ماہنامہ انوار مدینہ لاہور فروری 2013 |
اكستان |
مدرسہ و دعوت و تبلیغ سے ہو اَور گھروں میں قدیم جانی پہچانی کتاب قدیم نام ''تبلیغی نصاب ''اَور اُس کا جدید نام ''فضائل ِ اَعمال'' گھروں میں پڑھی جا رہی ہو اَور نبی کریم ۖ سے ہر اُمتی کا تعلق ہو، اِس تعلق کو مزید پختہ کرنے کے لیے اَور اِس تعلق میں مزید جِلا پیدا کرنے کے لیے درُود شریف کی کثرت کا ہرطبقہ میں اِہتمام ہو۔ اَور درُود شریف کا اِہتمام کرنے کے لیے حضرت شیخ نور اللہ مرقدہ کی کتاب'' فضائل درُود شریف '' پڑھنے اَور سننے کااِہتمام ہو۔ نبی کریم ۖ سے تعلق بڑھانے کے لیے مدرسہ میں خاص طور سے چاہے چوبیس گھنٹے میں دس پندرہ منٹ ہوں وہ مجمع میں سنائی جائے، اِس سے اِنشاء اللہ درُود شریف کا اُمت میں اہتمام ہوگا۔ درُود شریف ہی ایک ایسی چیز ہے جونبی کریم ۖ کی خدمت میں بہت جلد پہنچتی ہے۔ ایک دفعہ درُود پڑھو تودو مرتبہ پہنچتا ہے ایک فرشتہ قبرِ اَطہر پر موجود ہے اللہ تعالیٰ نے اُس کو یہ توفیق عطا فرمائی ہے کہ پوری دُنیا میں کہیں درُود پڑھاجائے وہ سنتاہے اَور پڑھنے والے کااَور اُس کے باپ کانام لے کر حضور ۖ کی خدمت میں پہنچادیتا ہے اَور پوری دُنیا میں فرشتے پھرتے رہتے ہیں اُنہیں جہاں درُود ملتاہے وہ لے لیتے ہیں اَور جب وہ روضۂ اَقدس پر حاضر ہوتے ہیں تو پڑھنے والے کا اُس کے باپ کانام لے کر خدمت میں پہنچادیتے ہیں۔ کیسی سعادت کی بات ہے کہ درُود ایک مرتبہ پڑھا اَوردو دفعہ پہنچا، اِس حساب سے اگر اُمت ایک ہزار مرتبہ پڑھے تو دو ہزار مرتبہ پہنچے، پانچ ہزار مرتبہ پڑھے تو دس ہزار مرتبہ پہنچے، دس ہزار مرتبہ پڑھے تو بیس ہزار مرتبہ پہنچے ، کیا اچھا ہو آپ کے مدرسہ میں اِس کا اِہتمام شروع ہو کر اَور وں کے لیے ترغیب کا ذریعہ بنے ۔