ماہنامہ انوار مدینہ لاہور فروری 2013 |
اكستان |
|
قسط : ٣٢ اَنفَاسِ قدسیہ قطب ِ عالم شیخ الاسلام حضرت مولانا سیّد حسین اَحمدصاحب مدنی کی خصوصیات ( حضرت مولانا مفتی عزیز الرحمن صاحب بجنور ی ) فاضل دارُالعلوم دیوبند و خلیفہ مجاز حضرت مدنی ض ض ض چراغِ محمد ۖ کی چند شعائیں یعنی ملفوظات شیخ الاسلام خلاصۂ سیرت : ملفوظات بظاہر خارج اَز عنوانِ سیرت معلوم ہوتے ہیں لیکن اَگر غور و فکر کو کام میں لایا جائے تو خلاصۂ سیرت ہیں کیونکہ کُلُّ اِنَائٍ یَنْضَحُ بِمَا فِیْہِ ہر برتن سے وہی ٹپکتا ہے جو اُس میں ہوتاہے اِسی وجہ سے سلیم الطبع اَور سلیم الفطرت حضرات کلامِ شیطان اَور کلامِ اَولیاء اللہ میں تمیز کرتے ہیں اَور بتلادیتے ہیں کہ یہ کلماتِ خبیث معدنِ خبث وشقٰی سے نکلے ہیں اَور یہ کلمات ِ طیبات کسی اَولیاء اللہ کے سینہ فیض گنجینہ ومعدنِ صدق و اِخلاص سے نکل کر زبانِ حق ترجمان پر جاری ہوئے ہیں۔ میری یہ گزارش شاید بعض حضرات کو سطحی معلوم ہو مگر گستاخی معاف ایک معمولی درجے کا پولیس مین چور کی باتوں سے نہیں اُس کے چہرے سے بھانپ لیتا ہے، اَدبی مذاق رکھنے والے حضرات کلامِ منظوم اَور کلامِ منثور سے شاعر اَور اَدیب کی قابلیت ہی سے نہیں بلکہ اُس کی اُفتادِ طبع سے بھی واقف ہوجاتے ہیں جس طرح سے یہاں اَدبی ذوق کی ضرورت ہے اِسی طرح سے وہاںبھی رُوحانی صلاحیتیں دَرکار ہیں۔ چونکہ حضرت شیخ الاسلام کے ملفوظات کاسلسلہ نہایت وسیع ہے ،تمام ملفوظات کو اِس مختصر رسالہ میں شامل کر دینا نہایت دُشوار ہے یہاں چند ملفوظات مختلف عنوان کے تحت پیش کرتا ہوں۔