ماہنامہ انوار مدینہ لاہور فروری 2013 |
اكستان |
|
وفیات ٢٩ دسمبر کو جناب قاری عبدالقیوم صاحب کی اہلیہ محترمہ وفات پاگئیں۔ ١٧ جنوری کو محترم جناب سلیم الحق صاحب صدیقی کراچی میں اِنتقال فرما گئے۔ مرحوم بہت خلیق اَور زِندہ دل اِنسان تھے آپ رشتہ میں بڑے حضرت کے ماموں ہوتے ہیں۔ حضرت مولانا معراج الحق صاحب رحمة اللہ علیہ جو کہ دارُالعلوم دیوبند کے تاحیات صدر مدرس رہے آپ کے بڑے بھائی تھے۔ ٣٠دسمبر کو صوبہ خیبر پختونخواہ کے حضرت مولانا محمد اَمیر صاحب (عرف مولانا بجلی گھر ) طویل علالت کے بعد اِنتقال فرما گئے۔ ٢٠جنوری کو جامعہ مدنیہ جدید کے خادم مولانا اِنعام اللہ خان صاحب کے چچا حرکت ِ قلب بند ہونے کی وجہ سے ٹانک میں وفات پاگئے۔ ٢٢جنوری کو تنظیم القراء و الحفاظ کراچی کے سابق صدر جناب حافظ سراج اَحمد صاحب پراچہ طویل علالت کے بعد اِنتقال فرما گئے۔ ٢٥جنوری کواَیبٹ آباد کے مولانا محمد زبیر صاحب کے خسر اَور خوشدامن صاحبہ کامرہ کے قریب کار کے حادثہ میں وفات پاگئے جبکہ کار میں بیٹھے باقی اہل ِخانہ شدید زخمی ہیں۔اللہ تعالیٰ زخمیوں کو جلد شفاء کاملہ و عاجلہ عطا فرمائے۔ اِس ناگہانی حادثہ پر اہل ِ اِدارہ متاثرہ خاندان کے غم میں برابر کے شریک ہیں۔ ٢٤جنوری کو القمر سکول سسٹم لاہورکے پرنسپل حافظ محمد عثمان صاحب کی والدہ طویل علالت کے بعد وفات پاگئیں۔ اِنَّا لِلّٰہِ وَاِنَّا اِلَیْہِ رَاجِعُوْنَ اللہ تعالیٰ جملہ مرحومین کی مغفرت فر ماکر جنت الفردوس میں اَعلیٰ مقام نصیب فرمائے اَور لواحقین کو صبرِ جمیل کی توفیق نصیب ہو۔ جامعہ مدنیہ جدید اَور خانقاہِ حامدیہ میں جملہ مرحومین کے لیے اِیصال ِ ثواب اَور دُعائے مغفرت کرائی گئی اللہ تعالیٰ قبول فرمائے ،آمین۔ ض ض ض