ماہنامہ انوار مدینہ لاہور دسمبر 2012 |
اكستان |
 |
نواب اَمیر خان نے سیّد صاحب کے سمجھانے اَور روکنے کے باوجود اَنگریزوں کے سامنے ہتھیار ڈال دینے کا فیصلہ کر لیا تو سیّد صاحب نواب اَمیر خان سے علیحدہ ہو کر دہلی چلے گئے۔ حضرت شاہ عبدالعزیز صاحب قدس سرہ العزیز نے اپنے تمام شاگردوں اَعزاء اَور اَقارب کو ہدایت کر دی تھی کہ سیّد صاحب سے باقاعدہ بیعت کر کے کمالاتِ رُوحانی سے اِستفاضہ کریں۔ آپ کا یہ اِرشاد جہاں سیّد صاحب کے کمال کا اِظہار کرتا ہے وہاں یہ بھی بتلاتا ہے کہ آپ کو اُن کی سیاسی رائے گرامی سے اِتفاق تھا اِسی لیے خاندانِ ولی اللہ کے وہ اَفراد جو چشم و چراغ تھے سیّد صاحب کے ہمیشہ ساتھ رہے۔ آپ ٹونک سے واپسی پر دہلی اَور پھر وہاں سے ١٢٣٤ھ/ ١٨١٨ء میں دوآبہ کے اِضلاع کے دَورہ پر روانہ ہوئے اِس دَورہ میں آپ نے رُوحانی اِصلاح کے ساتھ اَخلاقی اِصلاح بھی فرمائی اَور لِلّٰہیت و اِیثار اَور جذبہ جہاد کی رُوح لوگوں میں تازہ کی۔ آپ کے ساتھ بہت اَعلیٰ خاندانی اَور مالی حیثیت رکھنے والے اَور اَولیاء اللہ نکل کھڑے ہوئے۔ آپ کا یہ قافلہ بے نظیر صلحاء کی جماعت پر مشتمل ہو گیا جو ہر اِعتبار سے اَعلیٰ اَور جامع صفات تھی (حالانکہ ١٨١٨ء میں یہ علاقہ (دوآبہ) بھی اِیسٹ اِنڈیا کمپنی کے زیر اَثر آنا شروع ہو گیا تھا)۔ ١٢٣٦ھ /١٨٢١ء میں آپ نے سفرِ حج کیا۔ آپ کی معیت میں قافلہ کے سات سو حضرات نے یہ سعادت حاصل کی، ١٢٣٩ھ میں سفر سے واپسی ہوئی پھر آپ ہمہ تن جہاد کی تیاری میں مصروف ہوگئے۔ اُس ١ وقت ہندوستان میں کوئی جگہ ایسی نہ تھی جسے اَنگریزوں کے خلاف مرکز بنا کر جہاد کیا ١ محمد اَیوب خان جنہوں نے ١٩٦٥ء کے بعد خود کو فیلڈ مارشل بھی بنا لیا تھا اَور صدر ِ پاکستان توتھے ہی، بے تکی باتیں کرنے لگے تھے چنانچہ سیّد صاحب کے نقشۂ جنگ کے بارے میں کچھ نازیبا الفاظ اِستعمال کیے تھے کہ پہاڑوں میں وہ کیا لینے آئے تھے۔ لیکن معلوم ہوتا ہے کہ اُنہیں تاریخ کے مطالعہ کا موقع نہیں ملا تھا ورنہ وجہ بھی معلوم ہوجاتی۔ اَب بعض اَور لوگ بھی یہ اِشکال پیش کرتے ہیں اگرچہ حقیقتًا یہ اُن کی اَپنی ناسمجھی ہے۔ سیّد صاحب کو برغبت ہو یا بہ مجبوری اَور اِسی طرح حضرت شیخ الہند رحمة اللہ علیہما کو بھی تحریک کے لیے یہی علاقہ منتخب کرنا پڑا، اُن حضرات کی نظر پورے ہندوستان کے ہر علاقہ اَور وہاں کے خواص و عوام پر اَیوب خاں سے بہت زیادہ تھی اَور وہ زیادہ جانتے تھے اَور جانتے ہوئے ایسا کیا تھا۔( حامد میاں غفرلہ )