ماہنامہ انوار مدینہ لاہور دسمبر 2012 |
اكستان |
 |
حضرت ِاقدس پیر و مرشد مولانا سید حامد میاں صاحب کے مجلس ِذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اَور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) ''عیسویہ'' کی طرح ''قادیانی'' بھی اَیسے کافر ہیں کہ جن سے جزیہ نہیں لیا جائے گا اِن کے کلمے کا اِعتبار نہیں ،اِسلام میں داخل ہونے کے لیے خاص کلمات کہنے ہوں گے مرزا کا اِقرار ''میں تیرا خود کاشتہ پودا ہوں ''۔نبی نہیں'' مجدد'' آتے رہیں گے دماغی مریض تھا۔خود بیٹا اُس پر اِیمان نہ لایا ( تخریج و تزئین : مولانا سیّد محمود میاں صاحب ) (کیسٹ نمبر 71 سا ئیڈA 05 - 07 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! .............................. نماز بھی پڑھتے ہیں رسول اللہ ۖ کو نبی بھی مانتے ہیں مگر یہ کہتے ہیں کہ آپ کی نبوت عرب کے لیے خاص تھی اہل ِ عرب کے لیے، نبی عرب ہیں آپ نبی عجم نہیں ہیں ، اُن لوگوں کا کہنا یہ ہے اَور یہ غلط ہے ۔ تو اَب نماز بھی پڑھ لیں کچھ بھی کر لیں جب تک رسول اللہ ۖ کی عام بعثت کے قائل نہ ہوں وہ مسلمان نہیں شمار کیے گئے اُن کے فرقے کا نام اَلگ ہی رہا ''عیسویہ ''۔ اَب وہ دُنیا میں ہیں یا ختم ہو گئے یہ نہیں پتہ، بہرحال تھے دُنیا میں اَور یہ نظریہ تھا، آدمی وہ یہودی تھا نام اُس کا عیسیٰ تھا تو فرقہ اُس کا ''عیسویہ'' کہلاتا ہے ۔