ماہنامہ انوار مدینہ لاہور نومبر 2012 |
اكستان |
 |
حر ف اول: نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّابَعْدُ ! صلیبی اَور صہیونی شاطرں نے پہلے کی طرح حسب ِ معمول ایک اَور مکرو فریب کا جال مارا اَور دُنیا کی نظروں میں دھول جھونک کر اپنے ناپاک عزائم کو عملی جامہ پہنانے کی مذموم کوشش کی۔ اِس بار بھی اُن کا خاص ہدف یہ تھا کہ دینی مدارس اَور مذہبی تحریکوں کو بدنام کر کے رائے عامہ کو اِس دَرجہ خراب کردیا جائے کہ ملک میں اِشتعالی فضا ء پیدا ہوجائے تاکہ عوام میں مدارس کی مقبولیت اَور دینی تحریکوں کی پیش قدمی کے آگے بند باندھا جا سکے۔ اَپنی اِس ناپاک سازش کے بھینٹ اِس بار اُنہوں نے مینگورہ کی ایک کمسن اَور ناسمجھ بچی کو چڑھادیا ،بچی کا باپ جو دَولت اَور شہرت کا بھوکا ہے اِس خونِ ناحق میں برابر کا شریک ہے۔ اگر فی الواقع یہ اِنسانی حقوق اَور معصوم جانوں کا معاملہ ہوتا تو مذہبی قوتیں سب سے پہلے صدائے اِحتجاج بلند کرتیں مگر صرف بددین اَور لامذہب طبقے کا آسمان سر پر اُٹھا لینا اَور ملالہ کے ساتھ زخمی ہونے والی اُسی اسکول کی دیگر دو معصوم بچیوں کو بالکل نظر اَنداز کر دینا، اُن کو علاج کی سہولتیں فراہم کی گئیں نہ کف ِ اَفسوس مَلا گیا اَور نہ ہی کسی مگرمچھ(اَین جی اَوز) نے آنسو بہایا۔