ماہنامہ انوار مدینہ لاہور نومبر 2012 |
اكستان |
 |
درس حدیث: حضرت ِاقدس پیر و مرشد مولانا سید حامد میاں صاحب کے مجلس ِذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اَور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) بیعت میں بندہ اللہ تعالیٰ سے معاہدہ کرتا ہے پیر کا بیعت یا کسی بھی موقع پر غیر عورتوں کو چھونا حرام ہے ( تخریج و تزئین : مولانا سیّد محمود میاں صاحب ) (کیسٹ نمبر 71 سا ئیڈA 28 - 06 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! جناب ِ رسول اللہ ۖ کے ایک جلیل القدر صحابی ہیں حضرت عَمرو ابن العاص رضی اللہ تعالیٰ عنہ وہ اَپنا واقعہ نقل کرتے ہیں کہ میں جناب ِرسول اللہ ۖ کی خدمت میں آیا تو میں نے عرض کیا کہ اُبْسُطْ یَمِیْنَکَ فَلِاُبَایِعْکَ جناب اَپنا دست ِ مبارک دَاہنا یہ پھیلائیے میں بیعت کروں، میں بیعت ہوجاؤں ۔رسولِ کریم علیہ الصلوٰة والتسلیم نے اَپنا دست ِ مبارک پھیلادیا فَبَسَطَ یَمِیْنَہ ۔ ہاتھ پر ہاتھ رکھ کر بیعت ہوتی ہے یہ ایک طرح کا معاہدہ ہے اللہ تعالیٰ کی ذات ِ پاک سے، ماضی میں جو کچھ کیا ہے اُس سے توبہ، آئندہ نہ کرنے کا وعدہ، آئندہ گناہ نہیں کروں گا اَور اِستغفار بھی کرتا رہوں گا ،گناہ تو ہوتے رہتے ہیںپتہ بھی نہیں چلتا اِنسان کو۔ اَب اُنہوں نے کہا میں جناب کے دست ِ مبارک پر بیعت کر رہا ہوں تو آقائے نامدار ۖ نے دست ِ مبارک پھیلادیے۔ اَور بیعت جو ہے وہ زبانی بھی ہو