ماہنامہ انوار مدینہ لاہور نومبر 2012 |
اكستان |
 |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٨ اَکتوبر کو مبلغِ ختم ِ نبوت حضرت مولانا اللہ وسایا صاحب مدظلہم جامعہ جدید کے طالب علم کی تعزیت کے لیے جامعہ مدنیہ جدید تشریف لائے اَور اَساتذہ کی خواہش پر طلباء سے مختصر بیان فرمایا۔ بعد اَزاں شیخ الحدیث حضرت مولانا سیّد محمود میاں صاحب سے ملاقات کے لیے اُن کی رہائش گاہ پر تشریف لائے اَور چناب نگر میں ختم ِ نبوت کانفرنس کے موقع پر دَریائے چناب میں ڈوب کر شہید ہونے والے طالب علم کی حضرت سے تعزیت کی اَور اِس اَلمناک حادثہ پر نہایت اَفسوس کا اِظہار فرمایا۔ ١٢ اَکتوبر کو جامعہ مدنیہ جدید کے اُستاذ الحدیث حضرت مولانا محمد حسن صاحب مدظلہم فریضہ حج اَدا کرنے کے لیے تشریف لے گئے۔ ١٧ اَکتوبر کوشیخ الحدیث حضرت مولانا سیّد محمود میاں صاحب کی طرف سے شبان ِ ختم ِ نبوت والوں کو رات کے کھانے کی دعوت تھی جس میں ہائی کورٹ کے وکلاء بھی تشریف لائے ، بعد اَزاں کھانے کے بعد ملکی اَور بین الاقوامی اُمور پر کافی دیر گفتگو ہوتی رہی۔ جامعہ مدنیہ جدید کے فوری توجہ طلب ترجیحی اُمور (١) زیر تعمیرمسجد حامد کی تکمیل(٢) طلباء کے لیے مجوزہ دَارالاقامہ (ہوسٹل) اَور درسگاہیں(٣) اَساتذہ اَور عملہ کے لیے رہائش گاہیں(٤) کتب خانہ اَور کتابیں (٥) زیر تعمیرپانی کی ٹنکی کی تکمیل ثواب جاریہ کے لیے سبقت لینے والوں کے لیے زیادہ اَجر ہے ۔