ماہنامہ انوار مدینہ لاہور نومبر 2012 |
اكستان |
 |
ہوا میں عمدہ لطافت اَور صفائی کے لحاظ سے نہایت خوبصورت ہے اَور صبح و شام کی لطافت کے لحاظ سے پسندیدہ و دِلکش ہے ۔(فضائ) منور اَور روشن ہے کہ رُوح و جسم کے لیے قوت بخش ہے اَور رُوح وجسم کو اَفزائش بخشتی ہے۔
اِس کی زمین کنوانی اَور چارہ پیدا کرنے والی اَور بارش قبول کرنے والی سر سبز اَور شاداب ہے یہاں چکنی مٹی ١ چونہ سے زیادہ مضبوط اَور کہگل سیسہ کی مانند مضبوط ہے۔ اِس سے یہاں کے باشندوں کی قوت مزاجی طبائع کی پختگی پر اِستدلال کیا جا سکتا ہے۔اِس قصبہ کا پانی ٹھنڈا پینے میں لذیذ شیریں اَور عمدہ ہے لہٰذا اَپنے حسن و صفات کے لحاظ سے آب ِحیات سے بڑھا ہوا ہے۔
یہاں تاجروں اَور شہروں کے سامانِ تجارت کی منڈی ہے، آفاق سے آنے والے پردیسیوں کے ٹھہرنے کی جگہ ہے، دُور دَراز کے مسافروں اَور اُن کے رفقاء کے لیے بہترین فرو گاہ ہے خصوصًا جب سے ریل جاری ہوئی ہے اُس وقت سے تو قریب کے مسافروں کے لیے کھانے کا اِنتظام اَور دُور کے لوگوں کے لیے شام کے قیام و طعام کی جگہ بن گیا ہے۔
پرانے زمانے میں یہاں کی اَعلیٰ درجہ کی صیقل کی بنی ہوئی تلواریں مشہور تھیں، اِسی طرح عمدہ قسم کے سوتی کپڑے میں دیوبند مشہور تھا، گنا اَور شکر تو دیوبند جیسی شاید ہی کہیں ہوتی ہو ،ذائقہ میں شہد اَور خوشبو میں زَند کی مانند ہے، اِس کی خصوصیات سے سمرقند کو کیا نسبت۔
١ مٹی بہت عمدہ ہے اِس لیے وہاں ''لَحد'' کا رواج ہے'' شَق'' کا نہیں نیز اُس سرزمین میں سبزہ خود رَو ہے یہی حال پورے دوآبہ کا ہے ۔