ماہنامہ انوار مدینہ لاہور جولائی 2011 |
اكستان |
|
جامعہ مدنیہ جدید میں رجب المرجب کے پہلے عشرہ میںسالانہ اِمتحانات منعقد ہوئے۔ یکم رجب المرجب١٤٣٢ھ /٤ جون ٢٠١١ء بروز ہفتہ جامعہ مدنیہ جدیدمیں ختم ِبخاری شریف کے موقع پر ایک تقریب کا اِنعقاد ہوا۔ شیخ الحدیث حضرت مولانا ڈاکٹر عبدالحلیم صاحب چشتی دامت برکاتہم العالیہ نے بخاری شریف کی آخری حدیث پڑھاکر مختصر بیان فرمایا اَور اِختتامی دُعاء فرمائی۔ ٦ جون کو شیخ الحدیث حضرت مولانا سیّدمحمود میاں صاحب جامعہ کے طالبعلم محمد اُسامہ صاحب کی دعوت پر ختم ِقرآن کی تقریب میں تشریف لے گئے جہاں آپ نے قرآن کی فضلیت کے موضوع پر بیان فرمایا۔ ١١جون کو شیخ الحدیث حضرت مولانا سیّدمحمود میاں صاحب جامعہ مدنیہ جدید کے پرانے خادم مولانا یعقوب صاحب کی بیٹی کا نکاح پڑھانے کے لیے بھٹہ چوک تشریف لے گئے۔ ١٢ جون کو شیخ الحدیث حضرت مولانا سیّد محمود میاں صاحب قائد جمعیت حضرت مولانا فضل الرحمن صاحب دامت برکاتہم العالیہ سے ملاقات کے لیے دِن کے دس بجے اِسلام آباد کے لیے روانہ ہوئے، تقریبًا تین بجے حضرت مولانا فضل الرحمن صاحب دامت برکاتہم العالیہ کی رہائشگاہ پہنچے، قائد جمعیت نے حضرت صاحب کو دیکھ کرگلے لگایا اَوربے حد خوش ہوئے ۔ مختصر ملاقات میں حضرت مولانا سیّد محمود میاں صاحب نے حضرت صاحب مدظلہم کی خودکش حملوں میںمحفوظ رہنے پرمبارک باد دیتے ہوئے نیک تمناؤں کا اِظہارکیا، اللہ تعالیٰ قائد محترم کی ہمیشہ حفاظت فرماتے ہوئے عمر طویل عطاء فرمائے ۔ وہاں موجود حضرت مولانا عبدالغفور صاحب حیدری مدظلہ کوسینٹ میں قائد حزب اِختلاف مقرر ہونے پرمبارکباد دی بعد اَزاں حضرت صاحب نے اِجازت چاہی اَورسخاکوٹ کے لیے روانہ ہو کررات گیارہ بجے بخیریت وہاں پہنچے۔ تین دِن قیام کے بعد ١٥ جون کی شام بخیریت واپسی ہوئی، والحمدللہ ۔ ١٦رجب المرجب١٤٣٢ھ /١٩ جون ٢٠١١ء کو جامعہ مدنیہ جدید میں تقسیم اَسناد و دَستاد بندی کی تقریب منعقد ہوئی اَوراگلے روز سے جامعہ میں سالانہ تعطیلات ہوئیں۔ ١٩جون کو جامعہ مدنیہ جدید کی سالانہ تقسیم اَسناد و دَستار بندی کی تقریب میں بطور ِخاص کراچی سے جناب حافظ فرید احمدصاحب شریفی ، جہلم سے فاضل جامعہ مولانا اَرسلان صاحب اَور اُن کے ہمراہ لاہور سے جناب بیدار یونس صاحب اَور گوجرانوالہ سے حضرت مولانا عبدالقدوس صاحب قارن مدظلہم تشریف لائے۔ ٢٩ رجب المرجب ١٤٣٢ھ/٢جولائی٢٠١١ء کو امتحانی مرکزجامعہ مدنیہ جدید میں وفاق المدارس کے