ماہنامہ انوار مدینہ لاہور جولائی 2011 |
اكستان |
 |
نے فرمایا : ''شعبان میرا مہینہ ہے اَور رمضان اللہ تعالیٰ کا ''۔ (مسند فردوس دیلمی) حضرت اَنس رضی اللہ عنہ بیان فرماتے ہیں کہ جب رجب المرجب کا مہینہ شروع ہوتا توآپ ۖ یوں دُعا فرماتے : یا اللہ! رجب اَور شعبان کے مہینے میں ہمارے لیے برکت فرما اَور خیریت کے ساتھ ہم کو رمضان تک پہنچا''۔ (ابن ِعساکر) حضرت عائشہ رضی اللہ عنہا بیان فرماتی ہیں کہ''جناب رسول اللہ ۖ (شعبان میں )اِتنے زیادہ روزے رکھتے کہ ہم کہتے کہ اَب آپ افطار نہ کریں گے اَور کبھی آپ افطار کیے جاتے (یعنی روزے ہی نہ رکھتے) یہاںتک کہ ہم کہتے کہ اَب آپ روزے نہیں رکھیں گے اَ ور میں نے آپ کوکسی مہینہ میں شعبان کے مہینے سے زیادہ (نفلی)روزے رکھتے ہوئے نہیں دیکھا''۔(بخاری و مسلم) اِس حدیث کے پیش ِنظر کسی کے دل میں یہ خیال پیدا ہو سکتا ہے کہ آنحضرت ۖ شعبان کے مہینے میں کثرت سے روزے کیوں رکھتے تھے؟ تواِس کی وجہ بھی حدیث میں موجود ہے، چنانچہ ایک حدیث میں آتاہے کہ حضرت اُسامہ نے ایک مرتبہ آپ سے دریافت کیا کہ یا رسول اللہ ۖ میں آپ کو شعبان میں زیادہ روزے رکھتے ہوئے دیکھتا ہوں اِس کی کیا وجہ ہے ؟ آپ نے فرمایاکہ''شعبان ایسا مہینہ ہے جو رجب اَور رمضان کے درمیان ہے لوگ اِس کی فضیلت سے غافل ہیں ،اِس مہینہ میں اللہ رب العلمین کے حضور میں لوگوں کے اعمال پیش کیے جاتے ہیں میری آرزویہ ہے کہ جب میرے اعمال پیش ہوں تومیرا شمار روزہ داروں میں ہو''۔(نسائی) شب ِبراء ت کی فضیلت : ماہِ شعبان المعظم میں ایک رات آتی ہے جو بڑی فضیلت والی رات ہے ، اِس رات کے کئی نام ہیں : (١) لَیْلَةُ الْبَرَائَ ةُ یعنی دوزخ سے بری ہونے کی رات (٢) لَیْلَةُ الصَّکِ یعنی دستاویز والی رات (٣) لَیْلَةُ الْمُبَارَکَةِ یعنی برکتوں والی رات ۔عُرفِ عام میں اِسے '' شب ِبرا ء ت'' کہتے ہیں۔ شب کے معنی فارسی زبان میں رات کے ہیں اَور براء ت عربی کا لفظ ہے جس کے معنی بری ہونے اَور نجات پانے کے ہیں ۔یہ شعبان کی پندرہویں شب کو ہوتی ہے۔ اَحادیث ِمبارکہ میں اِس شب کی بڑی فضیلت آئی ہے ،ایک حدیث میں آتاہے کہ ''اللہ تعالیٰ شعبان کی پندرہویں شب کو آسمانِ دُنیا پر نزول فرماتے ہیں اَور قبیلۂ بنو کلب کی بکریوں کے بالوں کی تعداد سے زیادہ گنہگاروں کی بخشش فرماتے ہیں ''(ترمذی وابن ما جہ)۔کہتے ہیں کہ