ماہنامہ انوار مدینہ لاہور اپریل 2010 |
اكستان |
 |
ناشر : مکتبہ رشیدیہ نزد مقدس مسجد اُردو بازار کراچی قیمت : درج نہیں زیر تبصرہ کتاب سید العلماء حضرت مولانا سیّد احمد حسن محدث امروہوی کی تفصیلی سوانح عمری ہے جو آپ کے پوتے ڈاکٹر سید وقار احمد صاحب نے نہایت جانفشانی کے ساتھ ترتیب دی ہے، حضرت مولانا سید احمد حسن صاحب قاسم العلوم والخیرات حضرت مولانا محمد قاسم نانوتوی کے اُن تین تلامذہ میں سے ہیں جو حضرت نانوتوی کے اِنتہائی محبوب و معتمد اَور قابل ِ فخر تلامذہ تھے۔ آپ نے مختلف مقامات پر تحصیل ِ علم کے بعد حضرت نانوتوی کی خدمت میں علم ِ حدیث اَور دُوسرے علوم وفنون کی تکمیل کر کے ١٢٩٤ھ میں فراغت حاصل کی، آپ کو سید الطائفہ حضرت حاجی امدادللہ مہاجر مکی سے چاروں سلسلوں میں اجازت ِبیعت بھی حاصل تھی۔ مختلف مقامات پر آپ کا فیض پھیلا، آخر میں آپ نے اپنے وطن امروہہ میں اپنی علمی دینی ملکی و ملی سرگرمیاں جاری کیں اَور تاحیات پھر آپ وہیں پر رہے۔ حضرت مولانا سید احمد حسن صاحب کی شخصیت، آپ کا فیضان ِ علمی اَور آپ کے تفصیلی حالات جاننے کے لیے آپ کے لائق حفید کی لکھی ہوئی کتاب نہایت مفید ہے۔ تاریخ و تذکرہ سے تعلق رکھنے والے حضرات اِس سے کماحقہ فائدہ اُٹھا سکتے ہیں۔ نام کتاب : کاروان ِ جنت تصنیف : حضرت مولانا محمد عبداللہ صاحب صفحات : ٣٣٦ سائز : ١٦/٢٣٣٦ ناشر : اِدارہ تالیفات ِ اشرفیہ چوک فوارہ ملتان قیمت : درج نہیں ''کاروان ِ جنت'' میں چند ایسے جلیل القدر صحابہ کرام رضوان اللہ علیہم کا مبارک تذکرہ ہے جن کے بارے میں فردًا فردًا جنتی ہونے کی بشارت دی گئی ہے، یہ کتاب حضرت مولانا عبداللہ صاحب کی تصنیف ہے