ماہنامہ انوار مدینہ لاہور اپریل 2010 |
اكستان |
نام کتاب : زینُ المحافل (جلد دوم) افادات : حضرت مولانا سمیع الحق صاحب دامت برکاتہم صفحات : ٥٢٦ سائز : ٨/٢٠٢٦ ناشر : مؤتمرالمصنفین، جامعہ دارالعلوم حقانیہ اَکوڑہ خٹک قیمت : درج نہیں حضور اکرم ۖ کے عادات و اَطوار کیسے تھے آپ کے اخلاق و خصائل کیسے تھے، آپ کا لباس و پوشاک اَور آپ کا سونا جاگنا، کھانا پینا، بولنا چالنا،اُٹھنا بیٹھنا، چلنا پھرنا یہ سب کام کیسے ہوتے تھے، اِن سب کو بیان کرنے کے لیے حضرت امام ترمذی نے ایک کتاب '' شمائل '' کے نام سے لکھی تھی جو'' شمائل ترمذی'' کے نام سے معروف و مشہور ہے، اَکابر ِ علماء ہر دور میں اِس کی شروحات لکھتے رہے ہیں۔ اُردو میں اِس کی ایک بہترین شرح حضرت مولانا محمد زکریا صاحب نے ''خصائل ِنبوی'' کے نا م سے تحریر فرمائی تھی۔ اِس وقت ہمارے پیش ِ نظر کتاب''زینُ ا لمحافل'' بھی اِسی سلسلہ کی ایک کڑی ہے۔ یہ کتاب دراصل افادات ہیں حضرت مولانا سمیع الحق صاحب دامت برکاتہم کے جو آپ نے شمائل ِ ترمذی پڑھاتے وقت بیان فرمائے تھے اُن اِفادات کو آپ کے لائق شاگرد مولانا اِصلاح الدین صاحب حقانی نے جمع کر کے ترتیب دیا اَور اِن پر حاشیہ اور تخریج کا کام مولانا مفتی مختار اللہ صاحب حقانی نے کیا ،اِس طرح یہ افادات شمائل ِ ترمذی کی ایک بہترین شرح کی شکل میں آگئے جن سے علماء و عوام اپنے اپنے ذوق کے مطابق فائدہ اُٹھاسکتے ہیں۔ نام کتاب : مولانا سید احمدحسن محدث اَمروہوی (اَحول و آثار) تصنیف : پروفیسر ڈاکٹر سید وقار احمد رضوی صفحات : ٦٦٤ سائز : ١٦/٢٣٣٦