ماہنامہ انوار مدینہ لاہور اپریل 2010 |
اكستان |
 |
پولیو کے قطروں کی مہم آخر کب تک جاری رہے گی ؟ ( جناب سید رضی الدین صاحب ) پاکستان میں بہت طویل عرصے سے پولیو کے خلاف مہم چلائی جا رہی ہے۔ اِس کا آغاز غالبًا بے نظیر کے دُوسرے دَور (١٩٩٣ئ) سے ہوا تھا جس میں اعلان کیا گیا تھا کہ پا کستان کو پو لیو سے پاک کر دیا جائے گا، اُس کے بعد آج (٢٠١٠ئ) آچکا ہے جس کا مطلب یہ ہے کہ اِس مہم کوکامل سترہ سال گزر چکے ہیں اَور اَبھی نہ جانے کتنے عرصے تک یہ مہم اَور جاری رہے گی؟ گویا دُوسرے الفاظ میں کوئی نہیں جانتا کہ پاکستان کو پولیو سے پاک خطہ بنانے میں اَبھی مزید کتنا عرصہ در کار ہے؟ یوں اگر یہ مہم نو زائیدہ بچے کو پولیو قطرے پلانے کی تحریک ہے تو بچے تو تاقیامت دُنیا میں آتے رہیں گے تو کیا پولیو کے قطروں کی یہ مہم پا کستان میں اَبدا لآ باد تک جاری رہے گی؟ یہ وہ سوال ہے جس کا جواب کہیں سے نہیں آرہا ۔ پاکستان میں طویل عرصے سے جاری اَور آیندہ لا متناہی مدت تک جاری رہنے والی اِس مہم میں جس کی محض پبلسٹی کے لیے لاکھوں روپے ماہانہ خرچ کیے جارہے ہوں۔ اہل ِ فکر کے ذہنوں میں بعض شکوک پیدا ہورہے ہیں، اُن کا کہنا ہے کہ آخر کن بنیادوں پر یہ لا متناہی مہم اِتنے وسیع و عریض خرچوں کے ساتھ چلائی جا رہی ہے اور ہماری حکومتیں آخر کب سے اِتنی مہر بان ہو گئیںکہ پولیو کے قطرے پلانے کی یہ سہولت گھر گھر پہنچائی جا رہی ہے؟ یہ حکومتیں ایسی تو نظر نہیں آتیں کہ وہ عوام کے دُکھوں کا مداوا اُن کی اپنی دہلیز پر پہنچ کرکریں۔ ہماری حکومتیں تو اِس کے بر عکس اَذیتیں دینے اور حقوق سلب کرنے کے لیے وجود میں آتی ہیں۔ لہٰذا اِس بنیاد پر پولیو مہم کے ضمن میں حکومتوں کی نیتوں پر شک کا پیدا ہونا با لکل فطری اَمر ہے۔ دُوسری طرف ہم دیکھتے ہیں کہ جب بچے پیدا ہوتے ہیں تو ہر نو زائیدہ کو ایک خاص عمر تک مختلف قسم کے ٹیکوں اَور قطرے پلانے کا پہلے ہی ایک کورس کرادیا جا تا ہے اُن ٹیکوں اَور قطروں میں پولیو کی دوائیں بھی شامل ہوتی ہیں پھر آخر مزید پولیو کے قطرے اِصرار کے ساتھ گلی گلی میں کیوں پلائے جاتے ہیں؟ کیااِس طرح کے بیک وقت دو کورسز کے کرنے سے بچوں