ماہنامہ انوار مدینہ لاہور اپریل 2010 |
اكستان |
 |
کے ساتھ واپس کردیا کہ ہماری فقہ میں اَطْعَمَہْ (مسنون دعوت کے کھانوں) کی فہرست موجودہے اَور یہ کھانا اِس فہرست سے خارج ہے لہٰذا مجھے معذور سمجھیں۔ میں اِس قسم کا کھانا اپنے اعزہ و اَقرباء (رشتہ داروں) سے بھی قبول نہیں کرتا۔ بحمداللہ اِس جواب سے کوئی شکایت نہیں ہوئی۔ ( دعوت عبدیت ص ١٤/٦٠) ختنہ میں اِخفاء بہتر ہے یا اعلان و اِظہار : سوال : اصلاح الرسوم میں ختنہ کے اعلان اَور اِس کے تداعی (اہتمام سے بلانے) کو منع کیا ہے اَور مدخل میں مذکر کے ختنہ کا اظہار اَور لڑکی کے ختنے کے اخفاء کو سنت کہا ہے۔ جواب : اصلاح الرسوم میں ممانعت کی دلیل بھی لکھی ہے، اِس لیے اِس پر عمل متروک نہ ہوگا۔اِس دلیل میں مطلق ختان وارد ہے۔ لہٰذا حکایة فعل پر ہی محمول نہ کیا جائے۔ باقی مدخل میں جس اظہار کو مسنون کہا ہے وہ بمعنی عدم اخفاء ہے مطلب یہ ہے کہ اخفاء (چھپ کے ہوئے ہونے) کا اہتمام نہ کیا جائے ۔ چنانچہ اِس بالمقابل اخفاء ختان جاریہ (لڑکی کے ختنہ کو خفیہ رکھنا) اِس کاقرینہ ہے تو اِس سے اعلان بمعنی اہتمام تداعی (یعنی اہتمام سے بُلانے کا) جائز ہونا لازم نہیں آتا۔ (امدادی الفتاوی ص ٤/٢٣٩) ختنہ کی دعوت میں شرکت سے متعلق حضرت تھانوی کا دلچسپ واقعہ : فرمایا کہ قصبہ رامپور میں ایک مالدار مولوی صاحب کے لڑکے کے ختنہ تھے۔ اپنے حضرات بھی اِس میں مدعوتھے مجھ کو بھی بلایا گیا، میں بھی چلا گیا۔ اصلاح الرسوم (کتاب) میں اِس سے پہلے لکھ چکا تھا۔ میں نے پہلے سے طے کر لیا تھا کہ میں قاضی اِنعام الحق صاحب کے مکان میں ٹھہروں گا اَور اِس کی وجہ (بطور ِ حیلہ) کے میں نے یہ بیان کی تھی کہ مجمع میں بعض بڑے لوگ ہوں گے میں اُن کے اَدب میں رہوں گا اَور بعض لوگ چھوٹے ہوں گے وہ میرے اَدب میں رہیں گے، نہ مجھ کو راحت ملے گی نہ اُن کو۔اور اِس تقریب میں حضرت مولانا محمود حسن صاحب اَور حضرت مولانا خلیل احمد صاحب بھی تشریف لائے تھے۔ میں قاضی اِنعام الحق صاحب کے مکان پرٹھہرا۔ عشاء کے وقت میں نے دیکھا ہے کہ نائی عام میں بُلاوا دیتا پھرتا ہے۔ میں نے دریافت کیا یہ بُلاوا کیسا ہے؟ اُس نے کہاکہ تمام برادری کی دعوت ہے ،میں کھٹک گیاکہ معاملہ گڑبڑ ہے۔ اَور بظاہر تفاخر ہے اَور اِس کے ساتھ ہی یہ خیال ہوا کہ میں تو اصلاح الرسوم میں منع کر چکا ہوں اگر شر کت کی تو کتاب کا خاک اَثر رہے گا۔