ماہنامہ انوار مدینہ لاہور نومبر 2009 |
اكستان |
 |
ملفوظات شیخ الاسلام حضرت مولانا سیّد حسین احمد مدنی ( مرتب : حضرت مولانا ابوالحسن صاحب بارہ بنکوی ) .٭ محمدبن عبدالوہاب اَور اُس کی جماعت کو میں نہیں بلکہ علامہ شامی رحمة اللہ علیہ نے اپنی کتاب الردّالمحتار حاشیہ دُرِّمختار میں جو کہ فقہ حنفی میں نہایت مستند اور مفتیٰ بہ کتاب ہے ، جلد ثالث ص ٣٣٩ میں یہی لکھا ہے، صاحب ردّالمحتار علامہ شامی چونکہ اُسی طرف کے رہنے والے اور اُسی زمانہ کے ہیں ١٢٣٣ھ میںجبکہ محمدبن عبدالوہاب کی جماعت نے حجاز پر قبضہ اَور تسلط کیا ہے ،وہ حج کے لیے مکہ معظمہ گئے ہیں جیسا کہ اُنہوں نے جلد اوّل ص٦٧٤میں تصریح کی ہے ، پس و ہ جس قدر محمدبن عبدالوہاب اَور اُس کی جماعت سے واقف ہیں زمانہ بعد میں ہونے والے اِتنے واقف نہیں ہو سکتے۔ حضرت مولانا گنگوہی قدس سرہ العزیز بہت بعد کے لوگوںمیں ہندوستان کے باشندہ ہیںاُن کو اِس قدر اِس جماعت کے اَحوال معلوم نہیں ہیں چنانچہ فتاویٰ رشیدیہ ص٦٤ میں اِس کی تصریح فتویٰ میں موجود ہے اورص٨ میںعبارت اِس کی تحسین میں لکھی گئی ہے وہ محض سنی سنائی باتوں پر مبنی ہے ۔ حضرت گنگوہی قدس سرہ العزیز اِس کتاب شامی پر بہت زیادہ اعتماد فرماتے تھے عموماً اُن کے فتاویٰ اِسی کتاب سے ماخوذ ہیں۔ ٭ بانی دارالعلوم دیوبند حضرت مولانا قاسم صاحب قدس سرہ العزیز کی طرف جو مضمون اِنکار ختم نبوت زمانی کی نسبت کیا گیا ہے بالکل جھوٹ اَور اِفتراء ہے ۔حضرت مولانا مرحوم تو جناب رسول اللہ ۖ کے متعلق تین قسم کی خاتمیت ثابت کرتے ہیں ،خاتمیت ذاتی (مرتبی)خاتمیت مکانی اور خاتمیت زمانی کو قطعی ثابت کرتے ہوئے فرماتے ہیں کہ جو اِس کا منکر ہے وہ کافر ہے، دائرہ اسلام سے خارج ہے جس کے معنٰی یہ ہیں کہ جناب رسول اللہ ۖ کا زمانۂ نبوت تمام انبیاء سے آخر میں واقع ہوا ہے ، آپ ۖ کے بعد کوئی نبی نہیں ہے جو شخص اِس کو نہ مانے اور اِنکار کرے وہ مسلمان نہیں ہے۔ ٭ حضرت مولانا کی تحریرات میں متعدد مقام پر آپ ۖ کی خاتمیت زمانی کا زور شور سے