ماہنامہ انوار مدینہ لاہور اگست 2009 |
اكستان |
|
دُوسری بات ایک قصے کے ذیل میں آرہی ہے کہ ایک صحابی آئے اُنہوں نے عرض کیا کہ میرے بھائی کودَست آرہے ہیں اِسْتَطْلَقَ بَطْنُہ تو رسول اللہ ۖ نے فرمایا اِسْقِہ عَسَلًا اِسے شہد پلائو وہ گئے پلایا فائدہ نہیں ہوا پھر دَست آتے رہے وہ آیا اور کہنے لگا لَقَدْ سَقَیْتُہ فَلَمْ یَزِدْہ اِلَّااسْتِطْلَاقًا میں نے پلایا ہے مگر وہ تو اَور بڑھ گئے دَست زیادہ ہی رہے۔ تو رسول اللہ ۖ نے دوبارہ یہی فرمایا پھر آیا پھر تیبارہ یہی فرمایا پھر چوتھی دفعہ وہ آیا تو پھر یہی اِرشاد فرمایا کہ اِسْقِہ عَسَلًا اُنہوں نے کہا کہ میں تو حضرت برابر پلارہا ہوں اَور دَست بند تو نہیں ہوئے بڑھ ہی رہے ہیں۔تو رسول اللہ ۖ نے فرمایا کہ صَدَقَ اللّٰہُ وَکَذَبَ بَطْنُ اَخِیْکَ ١ اللہ نے جو اِرشاد فرمایا وہ حق ہے اَور سچ ہے اَور تمہارے بھائی کا پیٹ جو ہے یہ غلط کہہ رہا ہے یہ غلط کام کررہا ہے یاجھوٹا ہے۔ وہ پھر گئے پھر شہد پلایا پھر ٹھیک ہو گئے۔ اِس اِرشاد کا مطلب : مطلب یہ تھا جنابِ رسول اللہ ۖ کے اِرشاد کا کہ اگر دَست آبھی رہے ہیں تو وہ آنے ہی مفید ہیں اُس وقت اَور یہ شہد پینے سے نہیں رُک رہے تو نہ رُکنے بھی مفید ہیں ۔ یہ مسہل اِنسان لیتا ہے اپنے اِرادے سے اَور دست آتے ہیں اِس میں۔ مُنْضِجْ ٢ دیتے تھے مسہل دیتے تھے موسموں کے بدلنے پر خصوصًا یہ موسم ِ بہار میں۔ یہ نواب وغیرہ جو ہوتے تھے یہ لوگ اِسی طرح کرتے تھے ایک ہفتے مُنْضِجْ پیا پھر ایک مسہل لے لیا پھر مُنْضِجْ پی لیا پھر مسہل لے لیا تین ہفتے یا کتنے ہفتے چلتا تھا اِن کا کورس اُس سے پھر یہ سمجھتے تھے کہ اپنے آپ کو محفوظ کہ جو کچھ مادّے خراب پیدا ہوئے تھے وہ سب بدن سے خارج ہوگئے اُس کے بعد وہ جب بیٹھتے تھے اپنی نشست گاہ میں تو لوگ مبارک باد دینے آتے تھے اَور تحائف لاتے تھے یہ اِن کا ایک طریقہ تھا۔ عربوں میں ایک پرانہ طریقہ تھا یہ کہ وہ کہتے تھے رَاحَ اِلَی الْبَرِّ یعنی جنگل میں گیا ہے وہ ،جنگل میں جو دیہات کے حصے ہیں یا قبائلی حصے ہیں اُن میں چلے جاتے تھے اُونٹ کا دُودھ پیتے تھے اَور صرف یہی پیتے تھے باقی چیز کوئی نہیں کھاتے پیتے تھے حتّٰی کہ اُس سے دَست آنے شروع ہوجاتے تھے تو جب دستوں میں بالکل دُودھ ہی خارج ہونے لگے تو پھر کہتے تھے کہ بس ٹھیک ہوگیا تو اُسے وہ لے آتے تھے تو دستوں کو مرض سمجھنا یہ بھی صحیح نہیں ہے وہ تو قصدًا بھی لائے جاتے ہیں مرض کے ازالے کے لیے ، اِسی طرح یہ صحابی بھی تھے کہ وہ ١ مشکوة شریف ص ٣٨٧ ٢ وہ دوا جو مواد کو پکا کر جسم سے قابل ِ اخراج کرے۔