ماہنامہ انوار مدینہ لاہور اگست 2009 |
اكستان |
 |
ہوجائے گا۔ تیسری صورت : یہ کہ نکاح کے بعد اِس قسم کا اِقرار نامہ شوہر سے لکھوایا جائے۔ تنبیہ : بہتر ہے کہ یہ قید بڑھالی جائے کہ فلاں فلاں اشخاص (جن کے نام لے ،اُن) میں سے کم اَز کم دو آدمی ضرورت کو تسلیم کر لیں تو عورت کو اپنے اُوپر طلاق ڈالنے کااختیار ہوگا۔ مسئلہ : شوہر کو تفویض ِطلاق کے بعد اِس تفویض کو واپس لینے کا حق نہیں رہتا بلکہ تفویض ِ طلاق کے بعد عورت طلاق کی مالک بن جاتی ہے۔ وفیات اِنَّا لِلّٰہِ وَاِنَّا اِلَیْہِ رَاجِعُوْنَ ٣جولائی کو جامعہ مدنیہ جدید میں درجہ موقوف علیہ کے دو طالب علم محمد آصف اور محمد شاہد بس کے نہر میں گر جانے کی وجہ سے ڈوب کر شہید ہوگئے۔محمد آصف فیروزوالا کے تھے اُن کی تدفین آبائی گائوں میں ہوئی جبکہ لاہور کے محمد شاہد کی تدفین جائے حادثہ کے قریب ہی کر دی گئی۔اللہ تعالیٰ اُن کی مغفرت فرما کر جنت الفردوس میں اعلیٰ مقام عطا فرمائے نیز اُن کے پسماندگان کو صبر جمیل کی توفیق نصیب ہو۔اہل جامعہ اُن کے غم میں برابر کے شریک ہیں اور تعزیت ِمسنونہ پیش کرتے ہیں۔ ٢٤جولائی کو کریم پارک کے جناب محمد لئیق اور کاشف برادران کی والدہ صاحبہ طویل علالت کے بعد انتقال فرما گئیں،اللہ تعالیٰ مرحومہ کی مغفرت فرما کر جنت الفردوس میں اعلیٰ مقام عطا فرمائے اور پسماندگان کو صبر جمیل نصیب ہو۔ جامعہ مدنیہ جدید کے مدرس مولانا خالد محمود صاحب کا نومولود بھتیجا گذشتہ ماہ وفات پا گیا۔اللہ تعالیٰ اُن کے پسماندگان کو صبر جمیل نصیب کرے اور اُس کا نعم البدل عطاء فرمائے۔ دامان ضلع اَٹک کے مولانا اَنوار اللہ صاحب کا آٹھ سالہ نواسہ گذشتہ ماہ فوت ہوگیا۔اللہ تعالیٰ اُن کے پسماندگان کو صبر جمیل نصیب فرمائے اور اُس کا نعم البدل عطا ء فرمائے۔ جامعہ مدنیہ جدید اور خانقاہِ حامدیہ میں جملہ مرحومین کے لیے ایصالِ ثواب کرایا گیا ۔اللہ تعالیٰ قبول فرمائے،آمین۔