ماہنامہ انوار مدینہ لاہور اگست 2009 |
اكستان |
 |
3 جامعہ مدنیہ جدید میں تقریب ختم ِ بخاری شریف کی مختصر رُوداد ( محمد عامر اخلاق ،متعلم جامعہ مدنیہ جدید ) ٧ رجب المرجب مطابق یکم جولائی بروز ِ بدھ صبح گیارہ بجے جامعہ مدنیہ جدید میں ختم ِ بخاری کی مبارک اور مختصر تقریب ہوئی۔ تقریب کا آغازدورہ حدیث شریف کے طالب علم سعید احمد کی تلاوت سے ہوا پھر جامعہ مدنیہ جدید کی بلبل ِ خوشنوا بھائی خبیب نے اپنے مخصوص اَنداز میں بانی ٔ جامعہ بڑے حضرت رحمة اللہ علیہ پر ایک جاندار نظم پیش کی۔ اِس کے بعد امام الصرف والنحو حضرت مولانا محمد حسن صاحب اسٹیج پررونق اَفروز ہوئے اور قیمتی نصائح اور حکایتیں بیان فرمائیں۔ بعد اَزاںباغبان ِ گلشن ِ حامد مہتمم جامعہ شیخ الحدیث حضرتِ اقدس مولانا سید محمود میاں صاحب تشریف لائے ۔ آپ نے بخاری شریف کی آخری حدیث کا درس دیا اور اپنے شاگردوں کو اَنمول نصائح اور شفقت بھری دُعاؤں سے نوازا۔ اور آخر میں اساتذہ کرام نے عزیز طلباء کی دستار بندی کی۔ اِس طرح یہ مبارک محفل حضرت مہتمم صاحب کی دُعا پر اختتام پزیر ہوئی۔ اللہ تعالیٰ ہمارے جامعہ کو دن دُگنی رات چوگنی ترقی عطا فرمائے اوراِسے ہر ظاہری اور باطنی شر سے محفوظ فرمائے اور قرآن و حدیث کے اِس تعلیمی فیضان کو تا قیامت جاری و ساری رکھے، آمین۔ اوّل پوزیشن حاصل کرنے والے محمد عمران بن محمد دوست علی بنوی، محمد احمد بن محمد حسین ملتانی، اَرسلان بن محمد غوث جہلمی کو پہلا اِنعام دیا گیا جبکہ نیاز احمد بن محمد ایوب اوکاڑوی کو دُوسرا اَور محمد شفیق بن عبدالرشید وزیرستانی کو تیسرا اِنعام دیا گیا۔ اللہ تعالیٰ اِس اِدارے کی اور تمام دینی مدارس و مکاتب کی حفاظت فرمائے اور اِن کی تمام دینی و ملی خدمات کو قبولیت سے سرفراز فرماکر مزید کی توفیق عطاء فرمائے، آمین بحرمة خاتم النبین ۖ ۔