ماہنامہ انوار مدینہ لاہور اگست 2009 |
اكستان |
 |
درس حدیث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) کلونجی میں ہر مرض سے شفاء سوائے موت کے ۔ شہد کی اَفادیت پہلے علماء اور صوفیاء طبیب بھی ہوتے تھے ۔ انگریز کے مشنری سکول اور ہسپتال علماء کی نقل ہے ( تخریج و تزئین : مولانا سیّد محمود میاں صاحب ) (کیسٹ نمبر 59 سا ئیڈ B 27 - 06 - 1986) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! جیسے اِسلام نے تمام باتوں کے بارے میں قواعد بتلائے ہیں مکمل کہ یہ قاعدہ ہے تو اُس سے ایک قاعدہ مفہوم ہوجاتا ہے اِسی طرح سے دوائوں میں بھی ایک تو یہ تعلیم دے دی کہ دوا کریں تَدَاوَوْا عِبَادَ اللّٰہِ دُوسرے یہ کہ کچھ دوائیں بتلادیں ایسی کہ جو مفید ترین ہیں بعض ایسی ہیں جو ہرحال میں مفید ہیں، کچھ طریقے بتا دیے ایسے کہ جن سے شفاء حاصل ہوتی رہے مثال کے طور پر سینگی لگوالینا خون نکلوالینا یہ بھی ایک چیز ہے۔ اَور شفاء کے بارے میں جڑی بوٹیوں میں رسول اللہ ۖ نے بتلایا ہے شُوْنِےْز کلونجی، کلونجی کو فرمایا ہے کہ شِفَائ مِّنْ کُلِّ دَائٍ ہر بیماری سے اِس میں شفاء ہے اِلَّا السَّامْ ١ سوائے موت کے ۔اَب کلونجی کو کس طرح استعمال کیا جائے وہ اَطباء کی رائے پر موقوف ہے۔اَور دُوسرا طریقہ یہ ہے کہ ہر دَوا کے ساتھ شامل کرلیا جائے جو بھی دوا ہو رہی ہو زکام کی ہو نزلہ کی ہو کھانسی کی ہو کوئی اَور ہو اُس میں یہ ایک جزو کے طور پرشامل کرلی جائے۔ ایک دَواء یہ اِرشاد فرمائی۔ ١ مشکوة شریف ص ٣٨٧