ماہنامہ انوار مدینہ لاہور اگست 2009 |
اكستان |
 |
٢ شعبان المعظم ١٤٣٠ھ مطابق ٢٥جولائی٢٠٠٩ء بروز ہفتہ سے حسب ِسابق جامعہ مدنیہ جدید میں حضرت مولانا محمدحسن صاحب نے دورۂ صرف ونحو کا آغاز کیا، ملک کے چاروں صوبوں سے آنے والے طلباء نے بڑی تعداد میں شرکت کی،اللہ تعالیٰ قبول فرمائے۔ ٢٥ جولائی٢٠٠٩ء کو جناب محسن اعجاز صاحب جامعہ مدنیہ جدید تشریف لائے اور حضرت مہتمم صاحب سے ملاقات کی ،الحامد ٹرسٹ اور مستشفیٰ الحامد کی تعمیرکے سلسلہ میں مشاورت ہوئی۔ سفر نامہ بھوئی گاڑ ٹیکسلا : (بقلم اِنعام اللہ ،شریک سفر) ١١ جولائی کو شیخ الحدیث حضرت مولانا سید محمود میاںصاحب مولانا شہاب الدین صاحب کی دعوت پر اُن کے مدرسہ ختم ِ بخاری شریف کے پرو گرام میں شرکت کے لیے صبح آٹھ بجے رائیونڈ سے بھوئی گاڑ ٹیکسلا کے لیے روانہ ہوئے۔راستہ میں فاضل جامعہ مدنیہ جدید مولوی عبد الباسط صاحب کے اِصرار پر دوپہر کا کھانا اسلام آباد میں اُن کے رہا ئش گاہ پر تناول فرمایا۔ حضرت صاحب کے پہنچنے پر مقامی علماء میں سے مفتی نصیر صاحب اور مفتی نعیم صاحب ملاقات کے لیے تشریف لے آئے اور حضرت صاحب کے ساتھ کھانے میں شریک رہے ۔اِسی رات حضرت صاحب کو ٹیکسلا سے واپس دینہ ضلع جہلم پہنچنا تھا کیونکہ مدرسہ عثمانیہ (دینہ) کی انتظامیہ نے اپنے اختتامی پرو گرام میں حضرت صاحب کو مدعو کیا تھا۔اِس لیے تھوڑی دیر قیام کر کے بھوئیگاڑ کے لیے روانہ ہوئے۔ جب ہم ٹیکسلا کے قریب پہنچے تو جامعہ مدنیہ جدید کے مدرس مولانا شعیب صاحب انتظار میں تھے جو بطور ِ رہبر ہمارے ساتھ بھوئیگاڑ کے لیے روانہ ہوئے۔ اللہ تعالیٰ کے فضل سے بھوئیگاڑعصر کے قریب پہنچے جہاں مولانا شہاب الدین صاحب وہاں کے علماء اورعوام نے حضرت صاحب سے مصافحہ کیا۔ وقت کی کمی کی وجہ سے تمام کام مختصر طور پر کیے گئے۔حضرت صاحب نے اپنے بیان میں کہا کہ علم ِ دین پڑھنے سے ہمارے اَندر تواضع واِنکساری اور بڑوں کا اَدب بڑھنا چاہیے نہ کہ تکبر و غرور ۔ اس کے بعد حضرت صاحب جلسے کی اختتامی دُعا کرانے کے لیے جامع مسجد کی طرف لے گئے۔ حضرت نے پہلے بچوں میں اسناد تقسیم کیں اور پھر اپنے مختصر بیان میں اِرشاد فرمایا کہ موجوہ دورفتنوں کا ہے باطل حق کی شکل میں جب آتاہے تو بڑے بڑے علماء پھسل جاتے ہیں ایسی صورت میں حق و باطل کے اَندرتمیز صرف اللہ تعالیٰ کی مدد سے ہی ہوسکتی ہے۔حضرت صاحب نے سورہ ٔ کہف پڑھنے پر زور دیتے ہوئے اس کے فوائد بیان کیے۔