ماہنامہ انوار مدینہ لاہور مئی2009 |
اكستان |
 |
علمی مضامین سلسلہ نمبر٣١، قسط : ١٤ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) حضرت عائشہ کی عمر اور حکیم نیاز احمد صاحب کا مغالطہ حضرتِ اقدس اور حکیم نیاز احمد صاحب کے درمیان خط و کتابت ١ ٢٢۔ ابن ِسعد ایک عمدہ کتاب ہے بہت عمدہ نکتے اِس میں مل جاتے ہیں بہترین روایات بھی اِس کتاب میں موجود ہیں یہ متقدمین سے ہیں خود ابن سعد قابل ِ اعتماد ہیں نقل میں دیانت سے کام لیتے ہیں۔ زیادہ سے زیادہ روایات پیش کرتے ہیں۔ مگر چونکہ یہ کاتب ِواقدی تھے اِس لیے اِس کتاب میں کم اَزکم چوتھائی روایات واقدی سے ہیں۔ یہ تائیدی روایت بھی محمد بن عمر واقدی سے ہے۔ مختصراً تواِتنا ہی کافی ہے کہ یہ واقدی کی روایت ناقابل ِ اعتبار ہے۔ مگر میں اِس لیے تفصیل دے رہا ہوں کہ اِس روایت ِ تزوج میں رُواة ِ ما بعد نے وہی ہنر مندی برتی ہے جو واقدی کا ہنر تھا یعنی وضع ِاَسانید۔ کسی مضمونِ روایت کے لیے جو کسی خاص راوی سے منقول ہو دُوسری اَسانید مہیّا کرنا اور مضمونِ روایت ثابت شدہ کو دیگر اَسناد پر ......... کردینا۔ مختلف رُواة کی مختص اسناد سے کسی مضمون ِروایت کو چسپاں کرنا ١ گزشتہ شماروں میں قارئین نے جہلم کے حکیم فیض عالم صاحب کی حضرت اقدس قدس سرہ العزیز سے طویل خط وکتابت ملاحظہ فرمائی، اَب اپریل ٢٠٠٨ء کے شمارہ سے سرگودھا کے حکیم نیازاحمدصاحب کی حضرت اقدس سے حضرت عائشہ رضی اللہ عنہا کی حضور اکرم ۖ سے شادی کے وقت عمرکے متعلق طویل خط وکتابت ملاحظہ فرمائیں گے۔ حکیم صاحب نے اِس سلسلہ میں ایک ضخیم کتاب لکھی ہے حکیم صاحب کومغالطہ ہے کہ حضرت عائشہ رضی اللہ عنہا کی نکاح ورُخصتی کے وقت جوعمراَحادیث میں آئی ہے وہ صحیح نہیں ہے۔ پیش ِنظر صفحات میں اِسی خط وکتابت کودیاجارہاہے۔(ادارہ)