ماہنامہ انوار مدینہ لاہور دسمبر 2008 |
اكستان |
 |
نجات مشکل سے ہوتی ہے، ڈاکٹری دواؤں سے تو اِنسان ایک سال دو سال دس سال بیس بعد ٹھیک ہوجاتا ہے اَب ساری زندگی بیمار رہے اَور حسن ِخاتمہ ہوجائے تو بھی سودا سستا ہے لیکن خدانخواستہ باطنی بیماریوں میں مبتلاء ہوگیا تو بس آخرت برباد ہو گئی۔ ظاہری بیماری میں تو درجے بڑھ رہے ہیں گناہ جھڑ رہے ہیں بیمار ہے بیمار کی دُعاء قبول ہوتی ہے، اُسے توبلکہ سکھاتے بھی ہیں ہم بھی کہتے ہیں کوئی بیمار ہو بھائی دُعاء کرنا تمہاری دُعاء قبول ہوگی لیکن جو باطنی بیمار ہوتا ہے اُسے نہیں کہتے آپ کہ دُعاء کرنا میرے لیے تمہاری دُعا بھی قبول ہوتی ہے، کہتے ہیں کبھی ؟ جو باطنی بیماری میں مبتلا ہو اُس کی تیمار داری کسی نے کی ہے؟ جیسے کہ تکبر میں مبتلا ہے لالچ میں حسد میں کینہ میں کنجوسی میں بخل میں یہ سب باطنی اور دل کی بیماریاں ہیں یہ ہاتھ کی بیماری نہیں ہے ڈاکٹر نبض سے آلات سے سی ٹی سکین سے بھی پتہ نہیںچلاسکتے اِن بیماریوں کا کہ یہ ہیں یا نہیں۔ اُن کی لائن ہی نہیں اُنہیں پتہ ہی نہیں وہ تو اِس میں بعض خود مبتلاء ہوتے ہیں اِس بیماری میں، جو مبتلا ہوتا ہے اُس کی کبھی کسی نے تیمارداری کی ہے؟ کوئی پوچھنے بھی نہیں جاتا کہ آپ کیسے ہیں؟ یہ تو کہتے ہیں اللہ شفاء دے ہمیں بھی اُنہیں بھی ،یہ تو کہہ دیں گے لیکن اُس کی تیمارداری یا اُسے قابل ِ رحم سمجھے یا اُس پر ترس آئے اِس طرح نہیں ہوتا۔ اَور وہ مرجائے تو کبھی یہ کہتے نہیں سُنا ہوگا کہ اِس بیچارے نے ساری زندگی بیماری میں گزاری ہے اللہ نے اِس کے سارے گناہ جھاڑدِیے ہوں گے بلکہ دَرجے بلند ہوگئے ہوں گے یہ سیدھا جنت میں گیا ہوگا ،ایسا کہتے ہیں باطنی بیماری والے کو؟ نہیں، وہ تو جہنم میں جاتا ہے خدانخواستہ۔ جسمانی بیماری والے کے بارے میں ہوتاہے کہ اِس کے گناہ جھڑرہے ہیں اِس کے دَرجے بڑھ رہے ہیں۔تو یہ بیماری جو جسمانی آجاتی ہے یہ تو اِتنی خطرناک چیز نہیں ہے اِنسان کے لیے ایمان کے اعتبار سے اَور آخرت کے اعتبار سے جتنی کہ باطنی بیماریاں ہمارے لیے دُنیا اور آخرت دونوں اعتبار سے نقصان دہ ہیں۔ اِس لیے ظاہر کی طرف بھی توجہ دیں اِن علوم کو بھی محنت سے سیکھیں اَور اُن علوم کو بھی محنت سے سیکھیں حاصل کریں، صرف یہ نہیں کہ کسی سے بیعت کرلی بس کافی ہوگیا بیعت پر اِکتفاء کرلیا فلاں سے بیعت ہوں فلاں سے بیعت ہوں یہ کافی نہیں ہے، اُن سے سیکھیں قاعدے کا پہلا سبق ا ب ت ث پڑھ لیں اَور بس چھوڑدیں کہ بس پڑھ لیا تو کبھی بھی فائدہ نہیں ہوگا پورا پڑھنے سے فائدہ ہوگا ورنہ نہیں۔ توبہرحال آپ جس لائن میں لگے ہوئے ہیں یہ بہت اعلیٰ لائن ہے یہ جدید ترین علوم ہیں جدید ترین