ماہنامہ انوار مدینہ لاہور دسمبر 2008 |
اكستان |
|
اخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٣١اکتوبر کو شیخ الحدیث حضرت مولانا سیّد محمود میاں صاحب چناب نگر چنیوٹ میں منعقد ہونے والی ''ختم ِ نبوت کانفرنس '' میں شرکت کی غرض سے تشریف لے گئے۔ رات کوچناب نگر سے واپسی پر قاری محمد عثمان صاحب کے اصرار پر فیصل آباد اور جناب شیخ محمد امین صاحب کی خواہش پر شیخوپورہ ہوتے ہوئے رات ساڑھے بارہ بجے واپس تشریف لے آئے۔ ٩ نومبر کو حضرت مولانا سیّد محمود میاں صاحب کراچی کے سفر پر تشریف لے گئے جہاں بڑے حضرت رحمة اللہ علیہ کے مرید اور محب حاجی عبدالوہاب صاحب مرحوم کی دو پوتیوں کی شادی میں شرکت کی اور نکاحِ مسنونہ منعقد کرایا۔کراچی میں حضرت مولانا عبدالحلیم صاحب چشتی مدظلہم العالی، حضرت قاری شریف احمد صاحب مدظلہم ، حضرت مولانا سعید احمد صاحب جلال پوری مدظلہم اور دیگر احباب سے ملاقات کی، ١٢ نومبر کو بخیریت لاہور واپسی ہوئی۔ ١٣نومبر کو جامعہ مدنیہ جدید میں مختلف ملکی اور غیر ملکی مہمانوں کی آمدورفت رہی۔ ١٤ نومبر کو شیخ الحدیث حضرت مولانا سیّد محمود میاں صاحب حافظ گل نواز متعلم جامعہ مدنیہ جدید کی دعوت پر ''جامع مسجد عائشہ صدیقہ ''مکھو والی رائیونڈ روڈ میں افتتاح ِجمعة المبارک کے لیے تشریف لے گئے۔ ١٩ نومبر کواِسلام آباد سے جناب وسیم زیدی صاحب اپنے رفقاء کے ہمراہ جامعہ مدنیہ جدید تشریف لائے اور حضرت مہتمم صاحب سے ملاقات کی ۔ ٢٠نومبر کو جناب محسن اعجاز صاحب جامعہ مدنیہ جدید تشریف لائے اور حضرت مہتمم صاحب سے ملاقات کی ،الحامد ٹرسٹ اور مستشفیٰ الحامد کے سلسلہ میں مشاورت ہوئی۔