ماہنامہ انوار مدینہ لاہور نومبر 2008 |
اكستان |
 |
) کے بعد علم و سائنس کا دَور شروع ہوا تو چرچ نے استبداد کی طاقت سے لاکھوں اہل ِ فکر و محققین کو قتل و زندہ جلاکر علم و سائنس کی راہ روکنی چاہی۔ یورپ نے کرسچین کی اِس غلطی (پاپا کریسی) کا صدیوں تک خمیازہ بھگتا اِس علم و مذہب کی جنگ میں اعلیٰ اخلاقی قدریں زوال پذیر ہوکر مغرب میں اخلاقی اَنارکی کا دَور شروع ہوا۔ پھر گزشتہ دو صدیوں میں سازشی سرمایہ و میڈیا کی بدولت مٹھی بھر شاطر ٹولہ (صیہونی نیوکون) نے یورپ کے معاشرے کو بے بس کرکے یرغمال بنالیا۔ اَب مغرب کے عوام کو اِس گھناؤنی سازش کا احساس ہونے لگا ہے چنانچہ یہ شیطانی ٹولہ (جی ایٹ و سرمایہ دار ملٹی نیشنل کمپنیاں) جہاں کہیں ہوتے ہیں نفرت کی صورت میں عوام کا ردّعمل سامنے آتا ہے مگر اَب تک انسانیت کے سارے وسائل پر قابض ہونے کی وجہ سے یہ ٹولہ کامیاب ہے مگر وقت گزرنے کے ساتھ ساتھ اِس کا حشر بھی پاپاکریسی کی طرح ہوتا نظر آرہا ہے۔ بقول ایک مفکر کے تاریخ کا پہیہ اگرچہ آہستہ چلتا ہے مگر پیستا باریک ہے، لگتا ہے مغرب کا معاشرہ ایک بار پھر بے یقینی کی کیفیت میں مبتلا ہوکر بکھراؤ کی طرف چل پڑا ہے۔ اگر مغرب کے مفکرین و اہل ِ دانش نے گلوبل ولیج معاشرے کے لیے اقدار و ضابطہ تلاش نہ کیا تو تباہی سامنے کی بات ہے۔ یہ مسلم علماء و اہل ِ دانش کے لیے بھی لمحۂ فکریہ ہے کہ عالمی انسانی بہبودی کی اقدار و ضابطہ کے تعین میں شریعت، فقۂ اسلامی کا رول کیا ہو۔ اگر ہمارے علماء و اہل ِ دانش اِس خلاء کے پُر کرنے پر اپنی سوچ و فکر اور علمی کاوِشوں کا رُخ کرسکیں اِسلام ہی کی نہیں پوری انسانیت کی سب سے بڑی خدمت ہوگی۔ اسلامی قانون و شریعت کا اِمتیاز : اسلامی قانون کا امتیاز یہ ہے کہ یہ بنیادی طور پر غیر سرکاری قانون ہے جس کے بنانے مرتب کرنے اور توسیع دینے میں کبھی بھی کسی حکومت، ریاست، طاقتور طبقہ کی مداخلت نہیں رہی، یہ عوامی عمل کے ذریعہ مرتب ہوا۔ امام ابوحنیفہ قانونی تاریخ کے عظیم ترین دماغوں میں ایک تھے جن کی تعبیر قانون کو مسلمانوں کی دوتہائی کے قریب حصہ تسلیم کرتا ہے۔ وہ کسی حکومتی قانون ساز اِدارہ کے رُکن نہیں تھے۔ امام احمد بن حنبل جن کے فقہی اَقوال کو آج سعودی عرب میں قانون کی حیثیت حاصل ہے اُن کو کسی بادشاہ نے قانون سازی کے لیے مقرر نہیں کیا تھا ۔اسلام کی پوری تاریخ گو اہ ہے اگر کبھی کسی حکمران یا فوجی ڈکٹیٹر نے طاقت کے زور پر کوئی قانون نافذ کرنا چاہا تو مسلم عوام نے اُسے مسترد کرکے علمائ، فقہائ، عابدین کی آراء پر عمل کیا جبکہ دُنیا کے تمام