ماہنامہ انوار مدینہ لاہور اگست 2005 |
اكستان |
ماہِ رجب کے فضائل واحکام ( حضرت مولانا مفتی محمد رضوان صاحب ) ماہِ رجب عظمت وفضیلت والا مہینہ : رجب کا مہینہ اُن چار مہینوں میں سے ہے جو کہ حرمت ،عظمت وفضیلت والے ہیں ۔قرآن مجید میں اللہ تعالیٰ کا ارشاد ہے ۔ '' اِنَّ عِدَّ ةَ الشُّھُوْرِ عِنْدَاللّٰہِ اثْنَاعَشَرَ شَھْرًا فِیْ کِتٰبِ اللّٰہِ یَوْمَ خَلَقَ السَّمٰوٰتِ وَالْاَرْضَ مِنْھَآ اَرْبَعَة حُرُم ذٰلِکَ الدِّیْنُ الْقَیِّمُ فَلا تَظْلِمُوْا فِیْھِنَّ اَنْفُسَکُمْ '' (سورہ توبہ آیت ٣٦ پ١٠) '' یقینا شمار مہینوں کا (جو کہ ) کتاب ِالٰہی (یعنی احکامِ شرعیہ )میں اللہ کے نزدیک (معتبر ہیں )بارہ مہینے (قمری) ہیں (اور کچھ آج سے نہیں بلکہ )جس روز اللہ تعالیٰ نے آسمان اورزمین پیدا کیے تھے (اُسی روزسے ، اور )ان میں چار خاص مہینے اَدب کے ہیں (ذیقعدہ، ذی الحجہ ، محرم ، رجب)، یہی (امرِ مذکور)دین مستقیم ہے (یعنی ان مہینوں کا بارہ ہونا اورچار کا بالتخصیص اَشْھُرِ حُرُم ہونا )سو تم اِن سب مہینوں کے بارے میں (دین کے خلاف کرکے جو کہ موجبِ گناہ ہے )اپنا نقصان مت کرنا''۔(بیان القرآن ملخص) تشریح وتفسیر : سورہ توبہ کی اس مذکورہ آیت میںارشاد ہے : '' اِنَّ عِدَّةَ الشُّھُوْرِ عِنْدَاللّٰہِ اثْنَا عَشَرَ شَھْرًا '' اس میں لفظِ ''عِدَّةَ'' تعداد کے معنیٰ میں ہے اور'' شُھُوْرِ '' ''شَھْر ''کی جمع ہے، شَھْر کے معنٰی مہینہ ہے ۔ معنٰی یہ ہیں کہ اللہ تعالیٰ کے نزدیک مہینوں کی تعداد بارہ متعین ہے، اس میں کسی کو کمی بیشی کا کوئی اختیار نہیں ۔ اس کے بعد ''فیْ کِتٰبِ اللّٰہِ '' کالفظ بڑھا کر بتلادیا کہ یہ بات ازل سے لوحِ محفوظ میںلکھی ہوئی تھی پھر ''یومَ خَلَقَ السَّمٰوٰتِ والْاَرْضَ '' فرماکر اشارہ کردیا کہ قضائِ خداوندی اس معاملہ میں اگرچہ ازل میں جاری ہو چکی تھی لیکن یہ مہینوں کی ترتیب اورتعین اُس وقت عمل میں آئی جب آسمان وزمین پیدا کیے گئے ۔ پھر ارشاد فرمایا ''مِنْھَ