ماہنامہ انوار مدینہ لاہور اگست 2005 |
اكستان |
|
غیبی اشارہ اورلاہور میں نزول : تو فرماتے ہیں کہ میں نے رات کو خواب دیکھا اور خواب میں یہ سُنا کہ مجھے کسی نے کہا ہے کہ لاہورمیں ایسے اُترو جیسے حضرت حاجی صاحب ، حضرت حاجی امداد اللہ صاحب مہاجر مکی رحمة اللہ علیہ کی طرف اشارہ تھا۔ تو فرماتے ہیں کہ بس اس خواب کی وجہ سے میں لاہور میں بغیر پروگرام کے اُتر گیا۔ اورپھر لاہور میںاُتر کر حضرت نے کام شروع کیا۔ فرماتے ہیں کہ اُس کے تھوڑے عرصہ بعد والدصاحب کا بھی خط آگیا ۔انھوں نے بھی فرمایا کہ تم لاہور میں ہی ٹھہرے رہو، افغانستان جا کر کیا کروگے، بادشاہت ہے کام نہیں کرسکوگے ۔لہٰذا میں یہیں پر رُک گیا اوروہ ابتدائی دور تھا اوریہاں بہت مخالفت تھی، اس زمانے میں مسلم لیگ کا جوش تھا اورحضرت کا تعلق حضرت مدنی رحمة اللہ علیہ سے تھا تویہاں بہت ناموافق تھے حالات ،اُن ناموافق حالات میں کام کرنا بہت مشکل تھا لہٰذا اُس زمانے کے جو لوگ ہیں وہ ہمیں بتلاتے ہیں کہ حضرت نے بڑی مشکلات اُٹھائیں اوربہت مشکلات میں کام شروع کیا لیکن اللہ تعالیٰ نے کام لے لیا اُن سے ۔ مثالی درس گاہ ..... افراد کی تیاری ..... پُر امن انقلاب : اور اُن کا مقصد یہ تھا جو شروع سے فرماتے تھے کہ میں اتنا بڑا مدرسہ بنانا چاہتا ہوں کہ جس میں ہرسال تقریباًایک ہزارطلباء فارغ ہو جائیں اورفرماتے تھے کہ اگر ایک ہزار طلباء ہرسال فارغ ہوں تو سوسال بعد کتنے علماء پیدا ہو جائیں گے۔ بہت انقلابی بہت دُور کی سوچ تھی بہت لمبی۔ اتنی توزندگی بھی نہیں ہوتی انسان کی ۔ فرماتے تھے کہ اس سے خطہ میں پائیدار اورخاموش انقلاب آجائے گا ۔ جب اتنی کثیر تعداد میں علماء پیدا ہو ں گے تو اِس سے علاقہ میں انقلاب آئے گا۔چنانچہ اِسی مقصد کے لیے حضرت رحمة اللہ علیہ نے یہاں کام شروع کیا کیونکہ شہر میں جگہ کھلی نہیں تھی ، بڑا مدرسہ بنانا چاہتے تھے ۔یہاں(کریم پار ک میں) جب تشریف لائے ١٩٦٤ئ/ ١٩٦٥ء میں، تو جگہ بہت تھی لیکن پیسے نہیں تھے جس سے جگہ خرید سکیں آہستہ آہستہ آبادی ہوگئی ، جگہ نہیں رہی۔ رائیونڈ روڈ پر درسگاہ اورخانقاہ : حضرت کی وہ خواہش زندہ تھی پھرباہر جگہ ڈھونڈنی شروع کی ۔١٩٨٠ء کے قریب رائیونڈ روڈ لاہور پر جگہ پسند فرمائی اوروہاں بہت بڑا رقبہ خرید اتقریباً ایک مربع کے قریب جگہ خریدی ،اس مقصد کے لیے کہ اتنا بڑا مدرسہ ہو