ماہنامہ انوار مدینہ لاہور اپریل 2005 |
اكستان |
 |
نام کتاب : اَرمغانِ حج تالیف : ڈاکٹر محمد اکرم ندوی صفحات : ٢٥٦ سائز : ١٦/ ٢٣٣٦ ناشر : انجمن خدام الاسلام حنفیہ قادریہ لاہور قیمت : درج نہیں زیرِ تبصرہ کتاب ڈاکٹر محمد اکرم ندوی زید مجدھم کے سفرِ حج کی رُوداد ہے۔ اس کتاب میں ڈاکٹر صاحب نے انتہائی خوش اسلوبی کے ساتھ اپنے سفر حج کی تفصیلات اوراِس دوران جن اکابر علماء ومحدثین سے آپ کی ملاقات ہوئی اُن کا تفصیلی تذکرہ وتعارف درج فرمایا ہے ۔ ڈاکٹر صاحب کی یہ کتاب عوام الناس کے ساتھ ساتھ علماء و طلباء کے لیے بھی نہایت کارآمد ومفید ہے کہ اس سے گھر بیٹھے قیمتی معلومات حاصل ہو جاتی ہیں۔ نام کتاب : صدائے محراب(جِلد دوم) تالیف : صاحبزادہ طارق محمود صفحات : ٤٦٤ سائز : ١٦/ ٢٣٣٦ ناشر : مکتبہ ختم نبوت ،یوسف مارکیٹ ،اُردو بازار، لاہور قیمت : /٢١٠ پیش نظر کتاب ''صدائے محراب''صاحبزادہ مولانا طارق محمود صاحب کے خطباتِ جمعہ پر مشتمل کتاب ہے ، مولانا کے خطبات کی ایک جِلد پہلے بھی شائع ہو چکی ہے ،یہ دوسری جِلد ہے۔ اس جِلد میں مولانا کے مختلف موضوعات پر دئیے گئے ٣٥ خطبات شامل ِاشاعت ہیں ۔ مولانا کے خطبات دیگر خطبات کے مقابلہ میں رطب ویابس سے پاک اور سہل وآسان ہیں ۔ خطباء حضرات اس سے فائدہ اُٹھائیں۔