ماہنامہ انوار مدینہ لاہور اپریل 2005 |
اكستان |
 |
رکھوایا ہوا ہے۔ ہر چیز ویسی کی ویسی ،اُن کے اعزازات، اُنہیں ملنے والی اسناد سر ٹیفکیٹ شیلڈز اوربہت کچھ ،مگر ایک جگہ ہم ٹھٹک گئے ۔میری چھوٹی بہن نے پوچھا اس تصویر میں جواد نے داڑھی رکھی ہوئی ہے تو کیا اس نے باقاعدہ داڑھی رکھ لی تھی ؟ کہنے لگیں جی ہاں یہ اسی طرح اللہ کے پاس گیا ہے مسنون داڑھی سے سجے چہرے کے ساتھ اورمزیدیہ بھی بتایا کہ ٤ماہ بعد میت ملنے کے بعد بھی حیرت انگیز طورپر اس کا خون بھی نہیں جما تھا ۔ سبحان اللہ! اللہ اکبر! دُعا ہے کہ جواد کی شہادت اورتمناء شہادت کو اللہ پاک شرفِ قبولیت بخشیں اور اُن کے والدین اور بھائی کے صبر وحوصلے پر انھیں اجر ِعظیم سے نوازیں، آمین۔ بقیہ : مسئلہ توسل پر اعتراض معتزلہ اور شیعہ کے نزدیک اللہ تعالیٰ پر حق لازم ہے اور وہ بحق فلاں کے یہی معنی لیتے ہیں ۔اس وجہ سے امام ابوحنیفہ اور ابو یوسف رحمہما اللہ نے اس لفظ سے منع فرمایا لیکن اس لفظ کے منع سے وسیلہ کی ممانعت سمجھنا کم علمی ہے۔ مولانا گنگوہی فرماتے ہیں : ''معتزلہ اور شیعہ کے نزدیک حق تعالیٰ پر حق لازم ہے اور وہ بحق فلاں کے یہی معنی مراد لیتے ہیں ۔اس واسطے معنی موہم اور مشابہہ معتزلہ کے ہوگئے تھے لہٰذا فقہاء نے اس لفظ کا بولنا منع کردیا ہے تو بہتر ہے کہ ایسا لفظ نہ کہے جو رافضیوں کے ساتھ تشابہہ ہو جائے''۔ (فتاوٰی رشید یہ ص٩٤) دعائے صحت کی اپیل جامعہ مدنیہ جدید کے مخلص بہی خواہ محترم ڈاکٹر عبدالجلیل صاحب گزشتہ ماہ کی ٢٩ تاریخ کو ایک ناگہانی حادثہ میں شدید زخمی ہو گئے، موصوف ہسپتال میں زیر علاج ہیں۔ جامعہ جدید اورخانقاہ حامدیہ میں ڈاکٹر صاحب کے لیے دعاء صحت کرائی گئی ۔قارئین ِکرام سے بھی یہی درخواست ہے ۔