ماہنامہ انوار مدینہ لاہور جنوری 2005 |
اكستان |
 |
نے رکوع کردیا تو مقتدی باقی قنوت کو چھوڑ دے اور امام کی متابعت کرے کیونکہ دعائے قنوت کابعض حصہ جو وہ پڑھ چکا ہے وہ بھی کافی ہے اور اگر امام نے قنوت پڑھ کر رکوع کردیا جبکہ مقتدی نے ابھی دعائے قنوت کچھ بھی نہ پڑھی ہوتو اگر رکوع کے جاتے رہنے کا خوف ہوتو مقتدی رکوع کرلے اور اگر یہ خوف نہ ہوتو کوئی مختصر سی دعامثلاً تین بار اَللّٰھُمَّ اغْفِرْلِیْ کہہ کر رکوع کرلے۔ مسئلہ : مسبوق کو چاہیے کہ امام کے ساتھ قنوت پڑھے پھر بعد میں نہ پڑھے اوراگر مسبوق تیسری رکعت کے رکوع میں شامل ہوا اورامام قنوت پڑھ چکا تھا تو مسبوق اپنی بقیہ نماز میں قنوت نہ پڑھے کیونکہ اس کو تیسری رکعت مل گئی اور امام کا قنوت اس کی قرا ء ت کی طرح مقتدی کے لیے کافی ہو گیا۔ مسئلہ : اگر وتر کسی ایسے شخص کے پیچھے پڑھے جو رکوع کے بعد قومہ میں قنوت پڑھتا ہے تو امام کی متابعت کرے اور قومہ میں اس کے ساتھ قنوت پڑھے۔ مسئلہ : اگر فجر کی نماز میں کسی شافعی فقہ کے امام نے قنوت پڑھی تو حنفی مقتدی کوچاہیے کہ وہ قنوت نہ پڑھے بلکہ ہاتھ چھوڑ ے ہوئے اتنی دیرخاموش کھڑا رہے۔ قنوتِ نازلہ اگر اہلِ اسلام پر حادثہ عظیمہ واقع ہو مثلاً کافروں نے حملہ کیا ہوتو بالاتفاق فجر کی جماعت میں مسلمانوں کی فتح اور کافروں کی شکست کے لیے قنوت ِنازلہ پڑھے۔ مسئلہ : پریشانی اگر اور زیادہ بڑھ جائے تو مغرب اور عشاء کی نماز میں بھی قنوتِ نازلہ پڑھ سکتے ہیں۔ مسئلہ : قنوت ِنازلہ رکوع کے بعد پڑھی جائے۔ لہٰذا فجر کی دوسری رکعت ،مغرب کی تیسری رکعت اور عشاء کی چوتھی رکعت میں رکوع کے بعد سمع اللہ لمن حمدہ کہہ کر امام دعائے قنوت پڑھے اور مقتدی آمین کہتے رہیں۔ دعاسے فارغ ہو کر اللہ اکبر کہتے ہوئے سجدہ میںجائیں۔ مسئلہ : اگر دعائے قنوت مقتدیوں کو یاد ہوتو امام بھی آہستہ پڑھے اور سب مقتدی بھی آہستہ پڑھیں اور اگر مقتدیوں کو یاد نہ ہو جیسا کہ عام طورپر ہوتا ہے تو امام آواز سے دعا کے کلمات کہے اور سب مقتدی آہستہ آہستہ آمین کہتے رہیں۔ مسئلہ : دعائے قنوت پڑھتے وقت وتروں کے قنوت کی طرح ہاتھ باندھ لیں ۔اور اگر ہاتھ چھوڑ کررکھیں تواس کی بھی گنجائش ہے۔