ماہنامہ انوار مدینہ لاہور ستمبر 2003 |
اكستان |
 |
وقت میں اُنہی الہامی محامد کے ذریعہ اللہ تعالیٰ کی حمد و ثنا کروں گا اور اس کے آگے سجد ہ میں گر جائوں گا ۔(اور جب تک اللہ چاہیں گے آپ سجدہ میں رہیں گے پھر آپ کو شفاعت اور سوال کرنے کی اجازت دی جائے گی تو آپ تمام اہلِ محشر کے لیے حساب اور فیصلہ شروع ہونے کی شفاعت کریں گے جس کو'' شفاعت ِکُبرٰی'' کہتے ہیں ۔پھر جب حساب کے نتیجہ میں آپ کے بہت سے اُمتی اپنی بد اعمالیوں کی وجہ سے جہنم میں بھیج دئیے جائیں گے تو آپ اُن کو جہنم سے نکالنے اور جنت میں داخل کرانے کے لیے شفاعت فرمائیں گے اور پھر سجدہ میں گر جائیں گے اس کے بعد )اللہ تعالیٰ کی طرف سے آپ کو فرمایا جائے گا کہ اے محمد ! سر اُٹھا ئو اور جو کہنا ہو کہو تمہاری سُنی جائے گی اور جو مانگنا ہو مانگو تم کو دیا جائے گا اور جو سفارش کرنا چاہو کروتمہاری مانی جائے گی پس میں کہوں گا اے پروردگار ! میری اُمت میری اُمت (یعنی میری اُمت پر آج رحم فرمایا جائے او ر اس کو بخش دیا جائے )پس مجھ سے کہا جائے گا جائو او ر جس کے دل میں جو کے دانہ کے برابر بھی ایمان ہو اُس کو نکال لو پس میں جائوں گا اور ایسا ہی کروں گا (یعنی جن کے دل میں جو کے دانہ برابر بھی نورِ ایمان ہوگا اُن کو نکال لائوں گا)اور پھر اللہ تعالیٰ کی بارگاہ ِکرم کی طرف لوٹوں گا اور پھر ان ہی الہامی محامد کے ذریعہ اس کی حمد وثنا کروں گا اور اس کے آگے پھر سجدہ میں گر جائوں گا ۔پس اللہ تعالیٰ کی طرف سے فرمایا جائے گا اے محمد !سر اُٹھائو اور جو کہنا ہو کہو تمہاری بات سنی جائے گی اور جو مانگنا ہو مانگو تم کو دیا جائے گا اور جو سفارش کرنا چاہو کرو تمہاری شفاعت مانی جائے گی پس میں عرض کروں گا اے پروردگار! میری اُمّت میری اُمّت تو مجھ سے فرمایا جائے گا کہ جائو اورجن کے دل میں ذرہ کے بقدر (یا فرمایا کہ رائی کے دانہ کے بقدر) ایمان ہو اُن کو بھی نکال لو۔ رسول ۖ فرماتے ہیں کہ میں جائوں گا اور ایسا ہی کروں گا (یعنی جن کے دلوں میں ذرہ برابر یا رائی کے دانے کے برابر نورِ ایمان ہوگا اُن کو بھی نکال لائوں گا)اور اللہ تعالیٰ کی بارگاہ کرم کی طرف پھر لوٹوں گا اور پھر ان ہی الہامی محامد کے ذریعہ اس کی حمدو ثنا کروں گا اور اس کے آگے پھر سجدہ میں گر جائوں گا پس مجھ سے فرمایا جائے گااے محمد !اپنا سر اُٹھائو اور جو کہنا ہو کہو تمہاری سُنی جائے گی اور جو مانگنا چاہو مانگو تم کو دیا جائے گا او ر جو سفارش کرنا چاہو کرو تمہاری سفارش قبول کی جائے گی، پس میں عرض کر وں گا میرے رب ! میری اُمّت میری اُمّت پس مجھ سے فرمایا جائے گا جائو او ر جن کے دل میںرائی کے دانہ سے کم