ماہنامہ انوار مدینہ لاہور ستمبر 2003 |
اكستان |
 |
درس حدیث حضرت اقدس پیر و مرشدمولانا سید حامد میاںصاحب رحمہ اللہ کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈ کے زیرِانتظام ماہ نامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے اللہ تعالی حضرت اقدس کے اس فیض کو تا قیا مت جاری و مقبول فرمائے ۔(آمین ) فضیلت حضرت خدیجہ اور حضرت عائشہ رضی اللہ عنہما ہدایاکے بارے میں صحابہ کرام کی موقع شناسی تخریج و تزئین : مولانا سےّد محمود میاں صاحب کیسٹ نمبر٤١ سائیڈ اے /٨٤۔١٠۔١٩ الحمد للہ رب العالمین والصلٰوة والسلام علی خیر خلقہ سیدنا ومولانا محمد وآلہ واصحابہ اجمعین امابعد! حضرت عائشہ صدیقہ رضی اللہ عنہا فرماتی ہیںکہ ازواجِ مطہرات میں سب سے زیادہ جو سوکنوں والا معاملہ جو مجھے محسوس ہوا ہے ا پنے ذہن میں وہ اتنا کسی سے محسوس نہیں ہُواجتنا حضرت خدیجہ رضی اللہ عنہا سے ہوا ہے مَاغِرْتُ علی احدٍ من نسائِ النبی ۖ مَاغِرْتُ علی خدیجة ۔فرماتی ہیں وما رأیتھا حالانکہ میں نے اُن کو دیکھا ہی نہیں تھالیکن بات یہ تھی کہ رسول اللہ ۖ اُن کا اتنا زیادہ ذکر کرتے تھے کہ ذہن میں ایک طرح کا جیسے سوکنوں والا خیال ہوتا ہے وہ اُبھرتا تھا اور آپ ایسا بھی کرتے تھے کہ بکری ذبح کی اور پھر اُس کے ٹکڑے کیے اور حضرت خدیجہ رضی اللہ عنہا کی سہیلیوں میں بھیج دئیے فی صَدَائِقِ خدیجة۔ حضرت عائشہ کی غیرت : پھر تو ایسے بھی ہوا ہے کہ میں نے جناب رسول اللہ ۖ سے ایک آدھ دفعہ یہ کہا کہ جیسے کہ دُنیا میں وہی ایک عورت تھیں کانہ لم تکن فی الدنیا امرأة الا خدیجة دنیا میں سوائے اُن کے کوئی عورت ہی نہیں ہے تو آپ ارشاد فرماتے تھے انھا کا نت وکانت وکان لی منھا وُلْد وہ جو تھیں وہی تھیں اور اللہ نے اُن سے مجھے اولاد بھی دی تھی تو آقائے نامدار ۖ نے جو یہ فضیلتیں بیان فرمائی ہیں اور اس طرح اُن کو یاد فرمایا دونوں باتوں سے یہ معلوم ہوتا ہے کہ حضرت خدیجہ رضی اللہ عنہا کا مقام بہت بلند تھا اس اعتبا ر سے بھی کہ انھوںنے اسلام کے بالکل ابتدا میں اسلام قبول کر لیا