حجاج کرام کی خوب سیرابی ہوتی ہے اس لئے اسکو سقایۃ الحجاج سے بھی موسوم کیاجاتاہے ۔
بشریٰ :حضرت اسماعیل علیہ السلام کی والدہ حضرت ہاجرعلیہاالسلام جب پانی ڈھونڈرہی تھیں اور اپنے بچے کی پیاس سے سخت پریشان تھیں اور ظاہری حالت سے مایوس ہوچکی تھیں تو یہ پانی اللہ تعالیٰ کی طرف سے ظاہر کیا گیا تو ان کے لئے انکے بیٹے حضرت اسماعیل ( علیٰ نبینا وعلیہ الصلاۃ والسلام ) کی زندگی کیلئے بشارت بن کر نمودار ہوا اسلئے اسکو بشریٰ بھی کہا جاتاہے ۔
عاصمۃ :یعنی اس کو سیر ہوکر پینے والا نفاق سے محفوظ ہے اس لئے اسکو عاصمۃ بھی کہا جاتاہے ۔
غیاث :یعنی مدد کیونکہ اللہ تعالیٰ نے حضرت اسماعیل اور ان کی والدہ حضرت ہاجر علیہما السلام کی آب زمزم کے ذریعہ مدد فرمائی اس لئے اسکو غیاث سے بھی موسوم کیاگیاہے ۔
مأثرۃ العباس: حضرت رسول کریم ﷺ نے اپنے چچا حضرت عباس رضی اللہ تعالی عنہ کوآب زمزم پلانے کیلئے خاص فرمایا تھا اور ان کو دوسروں پر ترجیح دی تھی
