روزہ رکھے مجھے اللہ کی ذات سے امید ہے کہ اس کے ایک سال پہلے اور ایک سال بعد کے گناہوں کا کفارہ ہوجائیگا۔(ابن ماجہ)
تیسرا اورچوتھا کام
اس عشرہ میں تیسرا کام تکبیرات تشریق ہے
اللّٰہُ اَکْبَرُاَللّٰہُ اَکْبَرُ لاَاِلٰہَ اَلاَّ اللّٰہُ وَاللّٰہُ اَکْبَرُ اللّٰہُ اَکْبَرُ وَلِلّٰہِ الْحَمْدُ
جویوم عرفہ یعنی نوکی فجرسے ۱۳؍کی عصرتک ہرفرض نماز کے بعد پڑھنی ہے مردذرا بلند آواز سے پڑھیں گے عورتیں آہستہ پڑھیں گی۔
چوتھا اورسب سے افضل عمل اس عشرہ میں قربانی ہے،اس کے لئے تین دن ہیں، دس، گیارہ،اوربارہ، قربانی ان ہی تین دنوں میں ہوسکتی ہے ان کے علاوہ دوسرے اوقات میں آدمی چاہے کتنے ہی جانورذبح کرڈالے وہ قربانی نہیں ہوسکتی۔
قربانی کے سارے فلسفہ کا خلاصہ
بس میرے دوستو!قربانی کے سارے فلسفہ کا خلاصہ یہی ہے کہ ہمارے اندرکا مل اتباع کا جذبہ آجائے۔اللہ کے ہرحکم کو سب سے مقدم کرنے کا مزاج بن جائے اللہ کے حکم کوپورا کرنے کے لئے کوئی چیز ہمارے لئے رکاوٹ نہ بنے۔
نیز ہمارے اندرایثار،ہمدردی اورقربانی کا جذبہ پیداہوجائے اگرہمارا یہ مزاج بن گیا تو انشاء اللہ شریعت کا ہرحکم آسان ہوجائیگا اوراللہ کے اوامراورحضورپاک صلی اللہ علیہ وسلم کے نورانی طریقوں پر جب زندگی گذرے گی تو دنیا میں بھی عزت ،امن،اورچین وسکون والی زندگی گذاریں گے اورمرنے کے بعد بھی اللہ تعالیٰ بہترین ٹھکانہ عطافرمائے گا اوراچھے انعامات سے نوازے گا ۔
