ماہنامہ انوار مدینہ لاہور مارچ 2017 |
اكستان |
|
علماء ، اساتذہ ،تاجر ، وکلاء اور دیگر اسلام اور پاکستان سے محبت رکھنے والے ہر مسلمان اور پاکستانی کا فرض ہے کہ وہ اس سازش کے خلاف اپنی استطاعت کے مطابق میدان میں آکر اپنی صلاحیتیں استعمال کرکے اس عالمی سازش کے سامنے بند باندھ کر سابقہ نصاب بحال کرائیں ورنہ آنے والی نسلیں جس تباہی کا شکار ہوں گی اُس کے تصور سے بھی روح کانپنے لگتی ہے ۔ قائدجمعیة حضرت مولانا فضل الرحمن صاحب مدظلہم روزاوّل سے عمران خان کو یہودی ایجنٹ قراردے رہے تھے لیکن اُس وقت لوگوں کو یہ بات عجیب سی لگتی تھی کہ مولانا عمران خان کو برداشت نہیں کرسکتے ،مگر اب تو بلی تھیلے سے باہر آگئی اور یہودی ایجنٹوں کی تمام اسلام دشمن پالیسیاں سامنے آگئیں اور ان کی نااہلی بھی سب پر عیاں ہوگئی،اب تو تمام لوگوں کو قائدجمعیة کی خدادادبصیرت کی داد دینی پڑے گی اور ان کی دُوراندیشی کا اعتراف کرنا پڑے گا۔ان کی یہ بات بھی ہر صاحب عقل کے ذہن میں بہ آسانی آجائے گی کہ دھاندلی کے ذریعے ان لوگوں کو صوبے پر کس مقصد کے لیے مسلط کیاگیا تھا۔ جمعیة علماء اسلام کا راستہ روک کر اِن یہودی ایجنٹوں کو حکومت کیو ں حوالے کردی گئی تھی ؟ ان گھمبیر حالات میںاس یہودی ایجنٹ کاراستہ روکنا ہر مسلمان اور سچے محب وطن پاکستانی کا سب سے اہم فریضہ ہے ۔ اب جس کے جی میں آئے وہی پائے روشنی ہم نے تو دل جلا کے سرِعام رکھ دیا پوری دنیا میں مسلمانوں کی صفوں میں ان جیسی پارٹیوں ،تنظیموں اور این جی اوز نے مسلمانوں کو غافل کر کے یہود ونصاری اور ہندوئوں کو کھلی جنگ کے بغیر ہی ہر میدان میں فتح سے ہمکنار کر کے عالمِ اسلام کی کمر میں چھرا کھونپ رکھا ہے حتی کہ بہت سی مذہبی جماعتیں جن کی قیادت کامسکن امریکہ کینیڈا اور یورپ ہے عالمِ اسلام کے لیے آستین کا سانپ بنی ہوئی ہیں۔