ماہنامہ انوار مدینہ لاہور فروری 2017 |
اكستان |
 |
علمی مضامین سلسلہ نمبر١٤ قسط : ٢ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ مسلم پیدائش سے وفات تک ،اسلامی تقریبات و تعلیمات، سنن مستحبا ت بدعات و مکروہات ( شیخ الحدیث حضرت مولانا سیّد محمد میاں صاحب )اولاد کے متعلق اسلامی تقریبات : بچہ کی تربیت اللہ کے نام سے شروع کرو جیسے ہی بچہ کو نہلا دہلا کر کپڑے پہناؤ (سفید کپڑے ہوں تو بہتر ہے) اُس کے داہنے کان میں اذان دو بائیں میں تکبیر پڑھو خود نہ پڑھو تو اللہ کے کسی نیک بندے سے پڑھوائو اپنے ہی خاندان کا ہو تو بہت اچھا ہے۔ حضرت حسن رضی اللہ عنہ پیدا ہوئے تو سر ور کائنات ۖ نے خود اذان پڑھی تھی۔ (تر مذ ی شر یف، ابو داو'د شریف)عقیقہ : ٭ ساتویں دن عقیقہ کرو، سر کے بال منڈواؤ ، بالوں کے وزن کے برابر چاندی صدقہ کرو (بالوں کا وزن عمومًا تین ماشہ ہوتا ہے) پھر بچہ کے سر پر زعفران کا پانی مل دو۔