ماہنامہ انوار مدینہ لاہور فروری 2017 |
اكستان |
 |
سلسلہ نمبر : ١ قسط : ٢،آخری ''خانقاہِ حامدیہ'' کی جانب سے اَنوارِ مدینہ میں شیخ الاسلام حضرت اقدس مولانا سیّد حسین احمد مد نی قدس سرہ العزیز کے مضامین شائع کرنے کا اہتمام کیا جا رہا ہے حضرتکے متوسلین و خدام سے التماس ہے کہ اگر اُن کے پاس حضرت کے مضامین ہوں تواِدارہ کو اِرسال فرما کر عندالناس مشکور اور عنداللہ ماجور ہوں۔ (اِدارہ)جمالِ مومن یا اسلامی یونیفارم دوسرا سوالیہ مکتوب بخدمت حضرت شیخ الاسلام اور اُس کا جواب مخدوم و مکرم حضرت مولانا سیّد حسین احمد صاحب مدنی سلام مسنون ! رامپور سے ایک پرچہ ''زندگی'' نکل رہا ہے جس کو گاہے بگاہے دیکھ لیتا ہوں جماعت اسلامی کی تحریک کی بعض بعض کتابیں دیکھی ہیں اُن کو دیکھ کرمیری بدظنی اسلام کے متعلق کچھ زیادہ ہوتی جاتی ہے عین قریب ہے کہ میںاسلام سے پورا بدظن ہوجاؤں ،خدا را ایک دو اشکالات کا حل فرمادیں۔ (١) مولانا مودودی صاحب کاترجمان القرآن جو بہت پرانا ہے جس میں مولانا لکھتے ہیں کہ ''میرے نزدیک داڑھی کابڑا اور چھوٹا ہونا یکساں ہے ،صحابہ میں صرف دو ایک آدمی ایسے ملتے ہیں جن کی داڑھی مشت برابر ہے۔ '' اب عرض ہے کہ میں خود داڑھی منڈواتا تونہیں مگر خسخسی جیسے فرنچ فیشن ہوتاہے رکھی ہوئی ہے مگرمیرا عقیدہ یہ ہوتاجارہا ہے کہ جب مولانا مودودی جیسے فاضل نے یہ کہا کہ چھوٹا اور بڑا ہونا برابر ہے تو منڈوانا بھی کوئی حرج نہیں کیونکہ یہ علماء کا اپنی طرف سے اضافہ ہے ملک کے رواج کے مطابق رکھ بھی سکتاہے اور منڈوا بھی سکتا ہے۔ محمداقبال مالک دوآبہ کلاتھ ہاؤس صدر بازار اوکاڑہ ضلع منٹگمری (موجودہ ساہیوال)