ماہنامہ انوار مدینہ لاہور فروری 2017 |
اكستان |
 |
کر اُس کا پیٹ چاک کر دیا تو وہ انگوٹھی مچھلی کے پیٹ سے نکلی اُس نے بسم اللہ پڑھ کر پھرجیب میں ڈال دی اور مچھلی پکا کر باپ کے آگے رکھ دی، کھانا کھانے کے بعد جب دربار کا وقت آیا تو باپ نے لڑکی سے انگوٹھی طلب کی اُس نے بسم اللہ پڑھ کر انگوٹھی جیب سے نکال دی ،باپ یہ واقعہ دیکھ کر حیران ہو گیا اور اِس طرح لڑکی کے قتل کا منصوبہ دھرے کا دھرا رہ گیا اور اللہ تعالیٰ نے بسم اللہ کی برکت سے لڑکی کو محفوظ رکھا۔ تسمیہ موجب شود فضل خدا تسمیہ مانع شود شر و جور و جفا ١رحم : رحم بھی انسان کے بنیادی اخلاق میں سے ہے دُنیا میں ہم ایک دوسرے کے ساتھ کسی معاوضہ کا خیال کیے بغیر جو کوئی بھلائی کا کام کرتے ہیں اُن کو غور و فکر اور تدبر سے دیکھیں تو سب کی تہہ میں رحم کا جذبہ کار فرما نظر آئے گا جس کے دل میں اِس جذبہ کاکوئی ذرّہ نہ ہوگا اُس سے دوسروں کے ساتھ بے رحمی سنگدلی ظلم اور شقاوت اورجو کچھ ظاہر ہو وہ کم ہے اس لیے رحم کو اسلام کی اخلاقی تعلیم میں خاص اہمیت حاصل ہے اللہ تعالیٰ کے خاص اسماء میں سے اللہ کے بعد جو نام سب سے زیادہ اہم اور عام ہے وہ'' رحمن'' ہے یعنی (بڑا رحم کرنے والا) اور اِس کے ساتھ دوسرا نام'' رحیم'' آتا ہے، قرآنِ پاک میں پہلا اسم مبارک خدا کے علم کی حیثیت سے لیا گیاہے اور دوسرا اسم مبارک صفت کے طور پربار بار آتا ہے مسلمان کوحکم ہے کہ جب کوئی کام شروع کریں تو پہلے خدا کا نام لیں یعنی بسم اللہ الرحمن الرحیم پڑھے اس اسم مبارک کی وجہ سے اُس کام میں بڑی برکت ہوگی چنانچہ ہر سورة کا آغاز بسم اللہ الر حمن الر حیم سے کیا گیا ہے اور فرشتے بھی اپنی دعاؤں میں کہتے ہیں ( رَبَّنَا وَسِعْتَ کُلَّ شَیْ ئٍ رَّحْمَةً وَّعِلْمًا) ''اے ہمارے رب تونے اپنی رحمت اور علم میں ہرچیز کو سمالیا ہے'' اِسی رحمت ِالٰہی کی تفصیل سے سارا قرآن مجید بھرا ہوا ہے ( ھُوَ الرَّحْمٰنُ الرَّحِیْمِ) وہی رحم والا مہربان ہے۔ مسلمانوں کو یوں دعا کرنے کاحکم دیا گیاہے ( وَاَنْتَ خَیْرُ الرَّاحِمِیْنَ)''اے اللہ ! تو سب رحم کرنے والوں میں سے سب سے بہتر رحم کرنے والا ہے۔'' ------------------------------ ١ تسمیہ اللہ کے فضل کا سبب بنتی ہے، تسمیہ شر ظلم اور جفا سے بچاتی ہے۔