ماہنامہ انوار مدینہ لاہور فروری 2017 |
اكستان |
 |
درسِ حدیث حضرت اقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ '' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے اللہ تعالیٰ حضرتِ اقدس کے اِس فیض کو تا قیا مت جاری و مقبول فرمائے،آمین۔اللہ کا خوف نعمت ہے،برائیوں سے روک کر نیکی کی طرف لاتا ہے اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! آنحضرت ۖ کے ایک صحابی حضرت ابو درداء رضی اللہ تعالیٰ عنہ سے روایت ہے کہ آقائے نامدار ۖ نے ایک دفعہ منبر پر فرمایاکہ ( وَلِمَنْ خَافَ مَقَامَ رَبِّہ جَنَّتٰنِ )اُنہوں نے یہ سن کر عرض کیا وَاِنْ زَنٰی وَاِنْ سَرَقَ یَا رَسُوْلَ اللّٰہْ یا رسول اللہ اگر وہ چوری اور بد کاری کرتا ہے پھر بھی دوہرا ہی اجر ملے گا ؟ آپ نے پھر یہی آیت تلاوت فرمائی ! میںنے دو بارہ عرض کیا کہ وَاِنْ زَنٰی وَاِنْ سَرَقَ یَا رَسُوْلَ اللّٰہْ اے اللہ کے رسول ۖ اگر وہ زنا اور چوری بھی کرتا ہے توبھی دوہرا اَجر ملے گا ؟ آقائے نامدار ۖ نے تیسری مر تبہ بھی یہی آیت تلاوت فرمادی ! ! میں نے پھر وہی بات عرض کر دی کہ وَاِنْ زَنٰی وَاِنْ سَرَقَ یَا رَسُوْلَ اللّٰہْ اِس کے بعد آپ نے اِرشاد فرمایا وَاِنْ رَغِمَ اَنْفُ اَبِیْ الدَّرْدَائِ ١ اگر ابو درداء کی ناک بھی رگڑی جائے تو بھی یہی ہوگا یعنی اگر ابو درداء کو ایسا ہونا نا گوار بھی ہو کہ زنا و چوری کے باوجود خدا سے ڈرنے والے کودوہرا اَجر ملے تب بھی دوہرا ہی اجر ملے گا۔ حقیقت یہ ہے کہ جس کے دِل میں اللہ تعالیٰ کا خوف ہوگا جو حق تعالیٰ کے غصہ اور عذاب سے لرزاں و تر ساں رہے گا ،رفتہ رفتہ اُس کے گناہ چھوٹ جائیں گے ،خوف ِ خدا کے با عث وہ ہر گناہ کے کام سے بچتا رہے گا، حق تعالیٰ سے ڈر نا اِس بات کی علامت ہے کہ اللہ کی رحمت اُس کی طرف متوجہ ہے ------------------------------ ١ مشکوة شریف کتاب الدعوات رقم الحدیث ٢٣٧٦