ماہنامہ انوار مدینہ لاہور فروری 2017 |
اكستان |
 |
قسط : ٢،آخریفضائلِ بسم اللہ ( حضرت مولانا ابو معاویہ منظور احمد صاحب تونسوی )فضائلِ بسم اللہ شریف کے متعلق احادیث : عَنْ اَبِیْ بَکْرِ نِ الصِّدِیْق رَضِیَ اللّٰہُ عَنْہُ عَنْ رَسُوْلِ اللّٰہِ ۖ مَنْ قَالَ بِسْمِ اللّٰہِ الرَّحْمٰنِ الرَّحِیْمِ کَتَبَ اللّٰہُ لَہُ عَشْرَةَ آلَافِ حَسَنَة وَمَحٰی عَنْہُ عَشْرَةَ آلَافِ سَیِّئَة وَرَفَعَ لَہُ عَشْرَةَ آلَافِ دَرَجَة۔(الحدیث) '' سیّدنا حضرت ابو بکر صدیق رضی اللہ عنہ سے روایت ہے کہ حضورِ اکرم ۖ نے فرمایا کہ جس شخص نے بسم اللہ شریف کو پڑھا اللہ تعالیٰ اُس کے نامۂ اعمال میں دس ہزار نیکیاں لکھ دیتے ہیں اور دس ہزار اُس کے گناہ معاف کر دیتے ہیں اور دس ہزار درجے اُس کے بلند کر دیتے ہیں۔ '' حدیث شریف میں آیا ہے : مَنْ قَالَ بِسْمِ اللّٰہِ مَرَّةً لَمْ یَبْقَ مِنْ ذُنُوْبِہ ذَرَّة ۔(الحدیث) ''جس نے ایک مرتبہ بسم اللہ کو پڑھ لیا اُس کے تمام (صغیرہ) گناہ معاف ہو گئے۔ '' حدیث شریف میں آیا ہے : اِذَا قَالَ الْعَبْدُ بِسْمِ اللّٰہِ الرَّحْمٰنِ الرَّحِیْمِ یَذُوْبُ الشَّیْطٰنُ کَمَا یَذُوْبُ الرَّصَاصُ فِی النَّارِ۔(الحدیث) '' جس وقت انسان بسم اللہ الر حمن الر حیم پڑھتا ہے توشیطان ایسا پگھلتا ہے جیسے آگ میں سیسہ پگھلتا ہے۔ ''