Deobandi Books

عبداللہ) حارثہ بن وہب، مطلب۔ّ بن ابی وادعہ، اُمّ مبشر انصاریہ، عبداللہ بن صفوان بن امیہ، عبدالرحمن بن حارث بن ہشامؓ۔2 
حضرت حفصہؓ سے ۶۰ حدیثیں منقول ہیں3  جو انہوں نے آنحضرتﷺ اور حضرت عمرؓ سے سنی تھیں۔
تفقہ فی الدین کے لیے واقعہ ذیل کافی ہے،4 ایک مرتبہ آنحضرتﷺ نے فرمایا کہ میں امید کرتا ہوں کہ اصحابِ بدر و حدیبیہ جہنم میں داخل نہ ہوں گے۔ حضرت حفصہؓ نے اعتراض کیا کہ خدا تعالیٰ نے تو فرمایا ہے: 
وَاِنْ مِّنْکُمْ اِلَّا وَارِدُھَا۔5 
’’تم میں سے ہر شخص واردِ جہنم ہوگا۔‘‘
آپ نے فرمایا: ہاں! لیکن یہ بھی تو ہے:
ثُمَّ نُنَجِّی الَّذِیْنَ اتَّقَوْا وَنَذَرُ الظّٰلِمِیْنَ فِیْھَا جِثِیًّاo 6
’’پھر ہم پرہیز گاروں کو نجات دیں گے اور ظالموں کو اس میں زانوؤں پر گرا ہوا چھوڑ دیں گے۔‘‘ 
اسی شوق کا اثر تھا کہ آنحضرتﷺ کو ان کی تعلیم کی فکر رہتی تھی، حضرت شفا ؓ کو چیونٹی کے کاٹے کا منتر آتا تھا، ایک دن وہ گھر آئیں تو آنحضرتﷺ نے فرمایا کہ تم حفصہؓ کو منتر سکھلادو۔ 1


اخلاق: ابن سعد میں ان کے اخلاق کے متعلق ہے:
اِنَّھَا صَوَّامَۃٌ قَوَّامَۃٌ۔2
’’وہ یعنی حفصہ صائم النہار اور قائم اللیل ہیں۔‘‘
دوسری روایت میں ہے: 
مَا مَاتَتْ حَفْصَۃُ حَتّٰی مَا تفْطِرُ۔3 
’’انتقال کے وقت تک صائم رہیں۔‘‘
اختلاف سے سخت نفرت کرتی تھیں، جنگِ صِفّین کے بعد جب تحکیم کا واقعہ پیش آیا تو ان کے بھائی عبداللہ بن عمرؓ اس کو فتنہ سمجھ کر خانہ نشین رہنا چاہتے تھے لیکن حضرت حفصہؓ نے فرمایا کہ گو اس شرکت میں تمہارا کوئی فائدہ نہیں تاہم تمہیں شریک رہنا چاہیے کیونکہ لوگوں کو تمہاری رائے کا انتظار ہوگا اور ممکن ہے کہ تمہاری عزلت گزینی ان میں اختلاف پیدا کردے۔4 
دجا۔ّل سے بہت ڈرتی تھیں، مدینہ میں ابن صیا۔ّد نامی ایک شخص تھا، دجا۔ّل کے متعلق آنحضرتﷺ نے جو علامتیں بتائی تھیں اس میں بہت سی موجود تھیں، اس کی عبداللہ بن عمرؓ سے ایک دن راہ میں ملاقات ہوگئی، انہوں نے اس کو بہت سخت سست کہا، اس پر