Deobandi Books

ہوئیں۔4 
نکاح:  عبیدا للہ بن جحش سے جو کہ حرب بن امیہ۔ّ کے حلیف تھے، نکاح ہوا۔1 


اسلام: اپنے شوہر ہی کے ساتھ مسلمان ہوئیں اور حبشہ کو ہجرت کی۔ حبشہ میں جاکر عبید اللہ نے عیسائی مذہب اختیار کیا، اُمّ حبیبہؓ سے بھی کہا لیکن وہ اسلام پر قائم رہیں۔ اب وہ وقت آگیا کہ ان کو اسلام اور ہجرت کی فضیلت کے ساتھ اُمّ المومنین بننے کا شرف بھی حاصل ہو، عبید اللہ نے عیسائی ہو کر بالکل آزادانہ زندگی بسر کرنا شروع کی، مے نوشی کی عادت ہوگئی آخر ان کا انتقال ہوگیا۔2


نکاح ثانی: عد۔ّت کے دن ختم ہوئے تو آنحضرتﷺ نے عمرو بن امیہ۔ّ ضمری ؓ کو نجاشی کی خدمت میں بغرضِ نکاح بھیجا، جب وہ نجاشی کے پاس پہنچے، تو اس نے اُمّ حبیبہؓ کو اپنی لونڈی ابرہہ کے ذریعہ سے پیغام دیا کہ آنحضرتﷺ نے مجھ کو تمہارے نکاح کے لیے لکھا ہے، انہوں نے خالد بن سعید اموی ؓ کو وکیل مقر۔ّر کیا اور اس مژدہ کے صلہ میں ابراہہ کو چاندی کے دو کنگن اور انگوٹھیاں دیں، جب شام ہوئی تو نجاشی نے جعفر بن ابی طالبؓ اور وہاں کے مسلمانوں کو جمع کرکے خود نکاح پڑھایا اور آنحضرتﷺ کی طرف سے چار سو دینار مہر ادا کیا۔ نکاح کے بعد حضرت اُمّ حبیبہؓ جہاز میں بیٹھ کر روانہ ہوئیں اور مدینہ کی بندرگاہ پر اتریں، آنحضرت اس وقت خیبر میں تشریف رکھتے تھے۔ یہ ۷ ہجری یا ۶ ہجری کا واقعہ ہے۔3 اس وقت حضرت اُمّ حبیبہؓ کی عمر ۳۶، ۳۷ سال کی تھی۔
حضرت اُمّ حبیبہؓ کے نکاح کے متعلق مختلف روایتیں ہیں، ہم نے جو روایت لی ہے وہ مسند کی ہے اور مشہور روایتوں کے مطابق ہے، البتہ مہر کی تعداد میں کچھ غلطی معلوم ہوتی ہے عام روایت یہ ہے اور مسند میں بھی ہے کہ ازواجِ مطہر۔ّات ؓ اور صاحب زادیوں کا مہر چار چار سو درہم تھا۔ اس بنا پر چار سو دینار راوی کا سہو ہے، اس موقع پر ہم کو صحیح مسلم کی ایک روایت کی تنقید کرنا ہے۔
صحیح مسلم میں ہے کہ لوگ ابو سفیان کو نظر اُٹھا کے دیکھنا اور ان کے پاس بیٹھنا ناپسند کرتے تھے، اس بنا پر انہوں نے آنحضرتﷺ سے تین چیزوں کی درخواست کی جن میں ایک یہ بھی تھی کہ اُمّ حبیبہؓ سے شادی کرلیجیے۔ آنحضرتﷺ نے ان کی درخواست منظور فرمائی۔1  اس روایت سے معلوم ہوتا ہے کہ ابو سفیان کے مسلمان ہونے کے وقت حضرت اُمّ حبیبہؓ ازواجِ مطہر۔ّات میں داخل نہیں ہوئی تھیں لیکن یہ راوی کا وہم ہے۔ چنانچہ ابن سعد، ابن حزم، ابن جوزی، ابن اثیر، بیہقی اور عبدالعظیم