Deobandi Books

نام و نسب: میمونہ نام، قبیلۂ قریش سے ہیں، سلسلہ نسب یہ ہے: میمونہ بنت حارث بن حزن بن بُجیر بن ہزم بن رویبہ بن عبداللہ بن ہلال بن عامر بن صعصعہ بن معاویہ بن بکر بن ہوازن بن منصور بن عکرمہ بن حفصہ بن قیس عیلان بن مضر۔3 والدہ قبیلہ۔ِ ۔ْ  حمیر۔َ۔ْ سے تھیں، ان کا نام و نسب حسب ذیل ہے: ہند بنت عوف بن زہیر بن حارث بن حماطۃ بن جرش۔


نکاح: پہلے مسعود بن عمرو بن عمیر ثقفی سے نکاح ہوا4لیکن کسی وجہ سے علیحدگی اختیار کرنی پڑی۔ پھر ابو رُہم بن عبد العز۔ّیٰ کے نکاح میں آئیں۔ ابو رُہم نے ۷ ہجری میں وفات پائی تو لوگوں نے آنحضرتﷺ سے انتساب کی کوشش کی۔
آنحضرتﷺ ذی القعدہ ۷ ہجری میں عمرہ کی نیت سے مکہ روانہ ہوئے، اسی احرام کی حالت میں حضرت میمونہؓ سے نکاح ہوا۔5 حضرت عباسؓ نکاح کے متولی ہوئے تھے۔6  آنحضرت ﷺ عمرہ سے فارغ ہو کر جب مدینہ واپس ہوئے تو ’’۔َ  َسرفْ‘‘ میں جو مدینہ کے راستے پر مکہ سے دس میل ہے1 قیام فرمایا، ابو رافع (آنحضرتﷺ کے غلام) حضرت میمونہؓ کو لے کر سرف پہنچے اور یہیں رسم عروسی ادا ہوئی۔2 یہ آنحضرتﷺ کا آخری نکاح تھا3 اور حضرت میمونہؓ سب سے آخری بیوی تھیں۔


وفات: یہ عجیب اتفاق ہے کہ مقام سرف میں ان کا نکاح ہوا تھا اور سرف ہی میں انہوں نے انتقال بھی کیا۔4 حضرت ابن عباس ؓ نے جنازہ کی نماز پڑھائی اور قبر میں اُتارا۔ صحاح میں ہے کہ جب ان کا جنازہ اُٹھایا گیا تو حضرت ابن عباسؓ نے کہا: ’’یہ رسول اللہﷺ کی بیوی ہیں، جنازہ کو زیادہ حرکت نہ دو، ادب سے آہستہ آہستہ لے چلو5۔‘‘ سالِ وفات کے متعلق اگرچہ اختلاف ہے، لیکن صحیح یہ ہے کہ انہوں نے ۵۱ ہجری میں وفات پائی۔


فضل و کمال: حضرت میمونہؓ سے ۴۶ حدیثیں مروی ہیں، جن میں بعض سے ان کی فقہ دانی کا پتہ چلتا ہے۔
ایک مرتبہ حضرت ابن عباس ؓ کے بال پراگندہ دیکھے تو کہا بیٹا! اس کا کیا سبب ہے؟ جواب دیا: اُمّ عما۔ّر میری کنگھا کرتی تھیں اور آج کل ان کے ایا۔ّم کا زمانہ ہے، بولیں: کیا خوب! آنحضرتﷺ ہماری گود میں سررکھ کر لیٹتے تھے اور قرآن پڑھتے تھے اور ہم اسی