Deobandi Books

حضرت اسماءؓ کو خواب کی تعبیر میں بھی دخل تھا چنانچہ حضرت عمرؓ اکثر ان سے خوابوں کی تعبیر پوچھتے تھے۔3 
(۱۵)
حضرت اسماء بنت ابی بکرؓ


نام و نسب: اسماء نام، ذاتُ النطاقین لقب، حضرت ابوبکرؓ کی صاحبزادی ہیں۔ ماں کا نام قیلہ بنت عبدالعز۔ّیٰ تھا، ہجرت سے ۲۷ سال قبل مکہ میں پیدا ہوئیں۔


نکاح: حضرت زبیر بن عوامؓ سے نکاح ہوا۔


اسلام: اپنے شوہر کی طرح انہوں نے بھی قبولِ اسلام میں سبقت کی۔ ابن اسحق کے قول کے مطابق ان کا ایمان لانے والوں میں اٹھارہواں نمبر تھا۔


عام حالات: جب آنحضرتﷺ نے مدینہ کی طرف ہجرت کی تو حضرت ابوبکرؓ رفیقِ صحبت تھے، آپ دوپہر کو ان کے گھر تشریف لائے اور ہجرت کا خیال ظاہر فرمایا۔ حضرت اسماءؓ نے سفر کا سامان کیا دو تین دن کا کھانا ناشتہ دان میں رکھا، نطاق جس کو عورتیں کمر میں لپیٹتی ہیں، پھاڑ کر اس سے ناشتہ دان کا منہ باندھا، یہ وہ شرف تھا جس کی بنا پر آج تک ان کو ذاتُ النطاقین کے لقب سے یاد کیا جاتا ہے۔1 
حضرت ابوبکر صدیقؓ ہجرت کے وقت کل روپیہ ساتھ لے گئے تھے، ابوقحافہؓ جو کہ ان کے والد تھے، معلوم ہوا، بولے: انہوں نے جانی اور مالی دونوں قسم کی تکلیف دی۔ حضرت اسماءؓ نے کہا وہ کثیر رقم چھوڑ گئے ہیں۔ یہ کہہ کر اٹھیں اور جس جگہ حضرت ابوبکرؓ کا مال رہتا تھا بہت سے پتھر رکھ دیئے اور ان پر کپڑا ڈال دیا پھر ابو قحافہ کو لے گئیں اور کہا ٹٹول لیجیے، دیکھئے! یہ رکھا ہے۔ ابو قحافہ نابینا