Deobandi Books

کی قبر حَجون میں ہے اور زیارت گاہ خلائق ہے۔1 
حضرت خدیجہؓ کی وفات سے تاریخ اسلام میں ایک جدید دور شروع ہوا۔ یہی زمانہ ہے جو اسلام کا سخت ترین زمانہ ہے اورخود آنحضرتﷺ اس سال کو عام الحزن (سالِ غم) فرمایا کرتے تھے، کیونکہ ان کے اُٹھ جانے کے بعد قریش کو کسی شخص کا پاس نہیں رہ گیا تھا اور اب وہ نہایت بے رحمی اور بے باکی سے آنحضرتﷺ کو ستاتے تھے۔ اسی زمانہ میں آپ اہل مکہ سے ناامید ہو کر طائف تشریف لے گئے تھے۔


اولاد: حضرت خدیجہؓ کی بہت سی اولاد ہوئیں۔ ابوہالہ سے جو اِن کے پہلے شوہر تھے، دو لڑکے پیدا ہوئے جن کے نام ہالہ اور ہند تھے۔ دوسرے شوہر یعنی عتیق سے ایک لڑکی پیدا ہوئی اس کا نام بھی ہند تھا۔ آنحضرتﷺ سے چھ اولادیں ہوئیں۔ دو صاحبزادے جو بچپن میں انتقال کرگئے اور چار صاحبزادیاں۔ نام حسب ذیل ہیں:2
(۱) حضرت قاسمؓ آنحضرتﷺ کے سب سے بڑے لڑکے تھے، ان ہی کے نام پر آپ ابوالقاسم کنیت کرتے تھے، صغر سنی میں مکہ میں انتقال کیا، اس وقت پیروں چلنے لگے تھے۔
(۲) حضرت زینبؓ آنحضرتﷺ کی سب سے بڑی صاحب زادی تھیں۔
(۳) حضرت عبداللہ ؓنے بہت کم عمر پائی، چونکہ زمانۂ نبوّت میں پیدا ہوئے تھے اس لیے طیب۔ّ اور طاہر کے لقب سے مشہور ہوئے۔ 
(۴) حضرت رقیہؓ
(۵) حضرت اُمّ کلثومؓ
(۶) حضرت فاطمۃالزہراؓ۔ 
ان سب میں ایک ایک سال کا چھوٹاپا بڑاپا تھا۔ حضرت خدیجہؓ اپنی اولاد کو بہت چاہتی تھیں اور چونکہ دنیا نے بھی ساتھ دیا تھا یعنی صاحبِ ثروت تھیں، اس لیے عقبہ کی لونڈی سلمہ کو بچوں کی پرورش پر مقر۔ّر کیا، وہ ان کو کھلاتی اور دودھ پلاتی تھیں۔
ازواجِ مطہر۔ّات میں حضرت خدیجہؓ کو بعض خصوصیتیں حاصل ہیں، وہ آنحضرتﷺ کی پہلی بیوی ہیں، وہ جب عقدِ نکاح میں آئیں تو انکی عمر چالیس برس تھی لیکن آنحضرتﷺ نے ان کی زندگی میں دوسری شادی نہیں کی۔ حضرت ابراہیمؓ کے سوا آنحضرتﷺ کی تمام اولاد ان ہی سے پیدا ہوئی۔