Deobandi Books

ہوئیں، آنحضرتﷺ کو جو چند سال تک کفا۔ّرِ مکہ اذ۔ّیت دیتے ہوئے ہچکچاتے تھے، اس میں بڑی حد تک حضرت خدیجہؓ کا اثر کام کررہا تھا، اوپر گزر چکا ہے کہ آغازِ نبوّت میں جب آپ کی زبان سے یہ الفاظ نکلے کہ ’’مجھ کو ڈر ہے‘‘ تو انہوں نے کہا: ’’آپ متردّد نہ ہوں، خدا آپ کا ساتھ نہ چھوڑے گا‘‘ دعوتِ اسلام کے سلسلے میں جب مشرکین نے آپ کو طرح طرح کی اذیتیں پہنچائیں، تو حضرت خدیجہؓ نے آپ کو تسلی اور تشفی دی۔ استیعاب میں ہے:
فَکَانَ لَایَسْمَعُ مِنَ الْمُشْرِکِیْنَ شَیْئًا یَکْرَہُ مِنْ رَدٍّ عَلَیْہِ وَتَکْذِیْبٍ لَّہٗ اِلَّا فَرَّجَ اللّٰہُ عَنْہٗ بِھَا تُـثَـبِّـتُہُ وَتُصَدِّقُہُ وَتُخَفِّفُ عَنْہٗ وَتُھَوِّنُ عَلَیْہٖ مَایَلْقٰی مِنْ قَوْمِہِ۔1 
آنحضرتﷺ کو مشرکین کی تردید یا تکذیب سے جو کچھ صدمہ بھی پہنچتا، حضرت خدیجہؓ کے پاس آکر دور ہوجاتا تھا کیونکہ وہ آپ کی باتوں کی تصدیق کرتی تھیں اور مشرکین کے معاملہ کو آپ کے سامنے ہلکا کرکے پیش کرتی تھیں۔
سن ۷ نبوی میں جب قریش نے اسلام کے تباہ کرنے کا فیصلہ کیا تو یہ تدبیر سوچی کہ آنحضرتﷺ اور آپ کے خاندان کو ایک گھاٹی میں محصور کیا جائے، چنانچہ ابو طالب مجبور ہو کر تمام خاندانِ ہاشم کے ساتھ شعب ابی طالب میں پناہ گزین ہوئے، حضرت خدیجہؓ بھی ساتھ آئیں۔ سیرت ابن ہشام میں ہے:
وَھِيَ عِنْدَ رَسُوْلِ اللّٰہِ ﷺ وَمَعَہٗ فِي الشِّعْبِ۔2 
’’اور وہ آنحضرتﷺ کے ساتھ شعب ابی طالب میں تھیں۔‘‘
تین سال تک بنو ہاشم نے اس حصار میں بسر کی، یہ زمانہ ایسا سخت گزرا کہ طلح کے پتے کھا کھا کر رہتے تھے، تاہم اس زمانہ میں بھی حضرت خدیجہؓ کے اثر سے کبھی کبھی کھانا پہنچ جاتا تھا، چنانچہ ایک دن حکیم بن حزام نے جو حضرت خدیجہؓ کا بھتیجا تھا، تھوڑے سے گیہوں اپنے غلام کے ہاتھ حضرت خدیجہؓ کے پاس بھیجے، راہ میں ابوجہل نے دیکھ لیا اور چھین لینا چاہا اتفاق سے ابوالبختری کہیں سے آگیا۔ وہ اگرچہ کافر تھا لیکن اس کو رحم آیا اس نے ابوجہل سے کہا، ایک شخص اپنی پھوپھی کو کچھ کھانے کے لیے بھیجتا ہے تو ۔ُتو کیوں روکتا ہے؟3 


وفات: حضرت خدیجہؓ نکاح کے بعد پچیس برس تک زندہ رہیں اور ۱۱؍ رمضان ۱۰ نبوی (ہجرت سے تین سال قبل) انتقال کیا۔4 اس وقت انکی عمر ۶۴ سال ۶ ماہ کی تھی۔ چونکہ نمازِ جنازہ اس وقت تک مشروع نہیں ہوئی تھی، اس لیے ان کی لاش مبارک اسی طرح دفن کردی گئی۔ آنحضرتﷺ خود ان کی قبر میں اُترے اور اپنی سب سے بڑی غمگسار کو داعیٔ اجل کے سپرد کیا۔ حضرت خدیجہؓ