Deobandi Books

تَرِّبْ وَجْھَکَ لِلّٰہِ۔ 2 
’’اپناچہرہ خدا کے لیے غبار آلود کردے۔‘‘
فیاض تھیں اور دوسروں کو بھی فیاضی کی طرف مائل کرتی تھیں ایک دفعہ حضرت عبدالرحمن بن عوف ؓ نے آکر کہا: اماں! میرے پاس اس قدر مال جمع ہوگیا ہے کہ اب بربادی کا خوف ہے۔ فرمایا: بیٹا اس کو خرچ کرو۔ آنحضرتﷺ نے فرمایا ہے کہ بہت سے صحابہؓ ایسے ہیں جو مجھ کو میری موت کے بعد پھر کبھی نہ دیکھیں گے۔3 
ایک مرتبہ چند فقراء جن میں عورتیں بھی تھیں، ان کے گھر آئے اور نہایت الحاح سے سوال کیا، اُمّ الحسن بیٹھی تھیں انہوں نے ڈانٹا لیکن حضرت اُمّ سلمہؓ نے کہا ہم کو اس کا حکم نہیں ہے، اس کے بعد لونڈی سے کہا کہ ان کو کچھ دے کر رخصت کرو، کچھ نہ ہو تو ایک ایک چھوہارا ان کے ہاتھ پر رکھ دو۔4 
آنحضرتﷺ سے ان کو جو محبت تھی اس کا یہ اثر تھا کہ آپ کے موئے مبارک تبرکاً رکھ چھوڑے تھے جن کی وہ لوگوں کو زیارت کراتی تھیں۔5 آنحضرتﷺ کو ان سے اس قدر محبت تھی کہ ایک مرتبہ انہوں نے کہا: یارسول اللہ ! اس کا کیا سبب ہے کہ ہمارا قرآن میں ذکر نہیں؟ تو آپ منبر پر تشریف لے گئے اور یہ آیت پڑھی:6
اِنَّ الْمُسْلِمِیْنَ وَالْمُسْلِمَاتِ وَالْمُؤْمِنِیْنَ وَالْمُؤْمِنَاتِ۔7
مناقب: ایک مرتبہ حضرت اُمّ سلمہؓ آنحضرت ﷺ کے پاس بیٹھی تھیں، حضرت جبرئیلؓ آئے اور باتیں کرتے رہے، ان کے جانے کے بعد آپ نے پوچھا: ’’ان کو جانتی ہو؟‘‘ بولیں: دحیہ کلبی تھے۔ لیکن جب آپ نے اس واقعہ کو اور لوگوں سے بیان کیا تو اس وقت معلوم ہوا کہ وہ جبرئیلؓ تھے (غالباً یہ نزولِ حجاب سے قبل کا واقعہ ہے)۔1 


(۷)
حضرت زینب بنت جحشؓ


نام و نسب: زینب نام، اُمّ الحکم کنیت، قبیلہ قریش کے خاندان اسد بن خزیمہ سے ہیں۔ سلسلۂ نسب یہ ہے: زینب بنت جحش بن ریاب بن یعمر بن صبرۃ بن مرۃ بن کثیر بن غنم بن دودان بن سعد بن خزیمہ۔ والدہ کا نام اُمیمہ تھا جو عبدالمطلب جد۔ّ رسول