Deobandi Books

ابن عمر، عبید بن السباق، طفیل، ابو ایوب ۔َمر۔َاغی، کلثوم بن مصطلق، عبداللہ بن شداد بن الہاد، کریب ؓ۔ 


اخلاق: حضرت جویریہؓ زاہدانہ زندگی بسر کرتی تھیں۔ ایک دن صبح کو مسجد میں دعا کررہی تھیں، آنحضرتﷺ گزرے اور دیکھتے ہوئے چلے گئے، دوپہر کے قریب آئے تب بھی ان کو اسی حالت میں پایا۔6 
جمعہ کے دن آنحضرتﷺ ان کے گھر تشریف لائے تو روزہ سے تھیں، حضرت جویریہؓ سے دریافت کیا: ’’کل روزہ سے تھیں؟‘‘ بولیں: نہیں، فرمایا: ’’تو کل رکھو گی؟‘‘جواب ملا: نہیں، ارشاد ہوا: ’’تو پھر تم کو افطار کرلینا چاہیے1۔‘‘ 
دوسری روایتوں میں ہے کہ حضورﷺ ہر مہینہ میں تین دن روزے رکھتے تھے، ان تین دنوں میں ایک دن جمعہ کا ضرور ہوتا تھا، اس لیے تنہا جمعہ کے دن ایک روزہ رکھنے میں علماء کا اختلاف ہے، ائمہ حنفیہ کے نزدیک جائز ہے، امام مالک  ؒ سے بھی جواز کی روایت ہے۔ بعض شافعیہ نے اس سے روکا ہے تفصیل کے لیے ملاحظہ ہو فتح الباری (تحت رقم الحدیث المذکور )۔ امام ابو یوسف کے نزدیک احتیاط اس میں ہے کہ جمعہ کے روزہ کے ساتھ ایک روزہ اور ملالیا جائے۔2 یہ بحث صرف جمعہ کے دن روزہ رکھنے کے متعلق ہے اور دنوں سے اس کا تعلق نہیں ہے۔
آنحضرتﷺ کو ان سے محبت تھی اور ان کے گھر آتے جاتے تھے، ایک مرتبہ آکر پوچھا کہ کچھ کھانے کو ہے؟ جواب ملا: میری کنیز نے صدقہ کا گوشت دیا تھا وہی رکھا ہے اس کے سوا اور کچھ نہیں،فرمایا: ’’اسے اُٹھا لاؤ، کیونکہ صدقہ جس کو دیا گیا تھا اس کو پہنچ چکا3۔‘‘ 


(۹)
حضرت اُمّ حبیبہؓ


نام و نسب: رملہ نام، اُمّ حبیبہؓ کنیت، سلسلہ نسب یہ ہے: رملہ بنت ابی سفیان صخر بن حرب بن امیہ۔ّ بن عبد شمس۔ والدہ کا نام صفیہ بنت ابی العاص تھا، جو حضرت عثمانؓ کی حقیقی پھوپھی تھیں۔ حضرت اُمّ حبیبہؓ آنحضرتﷺ کی بعثت سے ۱۷ سال پہلے پیدا