Deobandi Books

حنطب، محمد بن منکدر، مسلم معرّیٰ، ابو نوفل بن ابی عقربؓ۔


اخلاق: حضرت اسماءؓ بالطبع نیکی کی طرف مائل تھیں۔ ایک مرتبہ آنحضرتﷺ کسوف کی نماز پڑھا رہے تھے، نماز کو بہت طول دیا تو حضرت اسماءؓ نے ادھر اُدھر دیکھنا شروع کیا، ان کے پاس دو عورتیں کھڑی تھیں جن میں ایک فربہ اور دوسری لاغر تھی یہ دیکھ کر انہوں نے اپنے دل کو تسلی دی کہ مجھے ان سے زیادہ دیر تک کھڑا رہنا چاہیے۔1 لیکن چونکہ نماز کئی گھنٹے تک ہوئی تھی حضرت اسماءؓ کو غش آگیا اور سر پر پانی چھڑکنے کی نوبت آئی۔2  ابن ابی ملیکہ کا بیان ہے کہ ان کے سر میں درد ہوتا تو سر پکڑ کر کہتیں یہ میرا گناہ ہے اور جو گناہ خدا معاف کرتا رہتا ہے وہ اس سے کہیں زیادہ ہیں۔
حق گوئی انکا خاص شعار تھا، اسکی متعد۔ّد مثالیں اوپر گزر چکی ہیں۔ حجاّج بن یوسف جیسے ظالم اور جابر کے سامنے وہ جس صاف گوئی سے کام لیتی تھیں وہ بجائے خود اپنی آپ ہی نظیر ہے، ایک دن وہ منبر پر بیٹھا ہوا تھا، حضرت اسماءؓ اپنی کنیز کیساتھ آئیں اور دریافت کیا کہ ’’امیر کہاں ہے؟‘‘ معلوم ہوا تو حجاّج کے قریب گئیں اس نے دیکھتے ہی کہا: ’’تمہارے بیٹے نے خدا کے گھر میں الحاد پھیلایا تھا، اس لیے خدا نے اسکو بڑا درد ناک عذاب دیا۔‘‘ حضرت اسماءؓ نے برجستہ جواب دیا: ’’تو جھوٹا ہے، وہ ملحد نہ تھا بلکہ صائم، پارسا اور شب بیدار تھا3۔‘‘
نہایت صابر تھیں، حضرت ابن زبیرؓ کی شہادت ایک قیامت تھی، جو اُن کے لیے قیامت کبریٰ بن گئی، لیکن اس میں انہوں نے جس عزم، جس استقلال، جس صبر اور جس تحمل سے کام لیا اس کی تاریخ میں بہت کم نظیریں مل سکتی ہیں۔
حد درجہ خود دار تھیں۔ حجاّج بن یوسف جیسے امیر کی نخوّت بھی ان کی خود داری کی چٹان سے ٹکرا کر چور چور ہوجاتی تھی۔
با ایں ہمہ نہایت متواضع اور خاکسار تھیں، محنت مشقت میں ان کو بالکل عارنہ تھا۔ چنانچہ جب ان کا نکاح ہوا تو حضرت زبیرؓ کے پاس کچھ نہ تھا، صرف ایک اونٹ اور ایک گھوڑا تھا وہ گھوڑے کو دانہ دیتی، پانی بھرتی اور ڈول سیتی تھیں، روٹی پکانی نہیں آتی تھی اس لیے آٹا گوندھ کر رکھتی اور انصار کی بعض عورتیں پکادیتی تھیں۔ رسول اللہﷺ نے حضرت زبیرؓ کو جو زمین عنایت فرمائی تھی وہاں جاکر وہ چھوہاروں کی گٹھلیاں چنتی اور تین فرلانگ سے سر پر لاد کر لاتی تھیں۔ ایک دن اسی حالت میں آرہی تھیں کہ آنحضرتﷺ سے ملاقات ہوگئی۔ آپ نے اپنے اونٹ کو بٹھایا کہ سوار ہوجائیں، لیکن ان کو شرم معلوم ہوئی اور اونٹ پر نہ بیٹھیں، گھر آکر حضرت زبیرؓ سے سارا قصہ بیان کیا۔ انہوں نے کہا سبحان اللہ! سر پر بوجھ لادنے سے شرم نہیں آئی؟ کچھ زمانہ کے بعد حضرت ابوبکرؓ نے ان کو ایک غلام دیا جو گھوڑے کی تربیت اور پرداخت کرتا تھا۔ اس وقت حضرت اسماءؓ کی مصیبت کم ہوئی کہتی