Deobandi Books

لیکن دوسری روایت میں اس سے زیادہ واضح بیان مذکور ہے:
اصل واقعہ یہ ہے کہ حضرت جویریہؓ کا باپ (حارث) رئیس عرب تھا، حضرت جویریہؓ جب گرفتار ہوئیں تو حارث آنحضرتﷺ کی خدمت میں آیا اور کہا کہ ’’میری بیٹی کنیز نہیں بن سکتی، میری شان اس سے بالاتر ہے، میں اپنے قبیلے کا سردار اور رئیسِ عرب ہوں آپ اس کو آزاد کردیں، آپ نے فرمایا کہ یہ بہتر نہ ہوگا کہ خود جویریہؓ کی مرضی پر چھوڑ دیا جائے؟ حارث نے جاکر جویریہؓ سے کہا کہ محمد نے تیری مرضی پر رکھا ہے، دیکھنا مجھ کو رسوا نہ کرنا۔ انہوں نے کہا: ’’میں رسول اللہﷺ کی خدمت میں رہنا پسند کرتی ہوں۔‘‘ چنانچہ آنحضرتﷺ نے ان سے شادی کرلی۔
ابن سعد نے طبقات میں یہ روایت کی ہے کہ حضرت جویریہؓ کے والد نے ان کا زَرِ فدیہ ادا کیا اور جب وہ آزاد ہوگئیں تو آنحضرتﷺ نے ان سے نکاح کیا۔1 
حضرت جویریہؓ سے جب آپ نے نکاح کیا تو تمام اسیرانِ جنگ جو اہل فوج کے حصہ میں آگئے تھے، دفعۃً رہا کردیئے گئے، فوج نے کہا کہ جس خاندان میں رسول اللہﷺ نے شادی کرلی وہ غلام نہیں ہوسکتا۔2 
حضرت عائشہؓ کہتی ہیں کہ میں نے کسی عورت کو جویریہؓ سے بڑھ کر اپنی قوم کے حق میں مبارک نہیں دیکھا ان کے سبب سے بنو مصطلق کے سیکڑوں گھرانے آزاد کردیئے گئے۔3 
حضرت جویریہؓ کا نام برّہ تھا، آنحضرتﷺ نے بدل کر جویریہؓ رکھا کیونکہ اس میں بدفالی تھی۔4 


وفات: حضرت جویریہؓ نے ربیع الاول ۵۰ہجری میں وفات پائی، اس وقت ان کا سن ۶۵ برس کا تھا۔ مروان نے نمازِ جنازہ پڑھائی اور جنت البقیع میں دفن ہوئیں۔


حلیہ: حضرت جویریہؓ خوب صورت اور موزون اندام تھیں۔ حضرت عائشہؓ کہتی ہیں:
کَانَتْ اِمْرَاَۃً حُلْوَۃً مَلَّاحَۃً لَایَرَاھَا اَحَدٌ اِلَّا اَخَذَتْ بِنَفْسِہٖ۔5


فضل و کمال: آنحضرتﷺ سے چند حدیثیں روایت کیں، ان سے حسب ذیل لوگوں نے حدیث سنی ہے: ابن عباس، جابر،